元旦行山記。錦田鄉村俱樂部採摘記

1 Jan 16 一年之計在於始。元旦日，我地齊齊去行山，地點係近近地既大棠，旨在呼吸下新鮮空氣順便當做運動。甫出發，已經覺得好熱呀⋯⋯點解一月都可以咁熱架⋯⋯

有個人仔，好鐘意行山，因為可以掃地。哈哈哈。

究竟，佢係掃地吖，定跳舞呢⋯⋯

Claire: 嘩⋯⋯正呀，咁多樹葉比我掃。

 掃掃掃⋯⋯好有姿勢咁喎⋯⋯

掃到不顧儀態，變左貞子都在所不計。

至於哥哥，佢就繼續玩。爸爸帶埋個迷你降落傘比佢玩。Isaac 甫去到就不停問幾時可以拎出黎玩。爸爸行到無乜人既位置，就比佢試下。

Isaac: 嘩⋯⋯我捉唔返落黎呀⋯⋯

 行下行下，行到去大欖涌水塘。都叫做咁啦，風景唔算靚，但叫有D野睇下。

不過好明顯呢位小朋友唔係黎睇景⋯⋯

Claire: 係呀⋯⋯我旨在黎掃地架咋⋯⋯我又執左把大掃帚啦。

 邊行邊掃⋯⋯用哂D力黎掃地⋯⋯

定係用哂D力黎拍蚊呢？

Claire: 等我去追哥哥打先⋯⋯ 

Claire: 哥哥，你唔好走呀⋯⋯

 點知比哥哥追返轉頭，呢兩兄妹真係呢⋯⋯

Claire: 我繼續拍蚊⋯⋯唔理哥哥。

 呢兩父女呢⋯⋯

好有默契咁喎。

好辛苦咁捱完呢個咁猛烈既太陽伯伯，熱到呢⋯⋯我地亦都好辛苦咁捱餓後，終於望到終點了。

Isaac: 好野，可以去食野⋯⋯

Claire: 我呢個POSE型唔型呀⋯⋯我唔肚餓呀，我想繼續掃地⋯⋯吖，唔係，係繼續行山。

 最後，行到山腳。爸爸居然話時間尚早，可以去錦田摘士多啤梨喎。小朋友聽到，梗係忘記左又餓又攰呢回事啦⋯⋯

卒之，真係打的去左。不過一望無際，係士多啤梨葉。哈哈哈。其實門口位阿嬸唔比摘架，話無哂喎。所以，我地都無打算摘。不過見有其它訪客摘，我地就揾下有無剩餘物。

Claire: 我揾到呢粒，細就細左D，不過都好紅吖⋯⋯

 最後，咪就係摘左呢六粒咁大把囉。哈哈哈，好無食？媽咪唔知呀，全部係哂兩兄妹個肚裡面⋯⋯不過Claire 係有食既⋯⋯佢放得入口，就可以做指標 －－難食都有個譜。

無士多啤梨，我地改行去掘蕃薯。

呢兩個擺明唔係專業農夫啦。

睇Claire 對眼就知佢幾咁攰⋯⋯

Claire：你叫我踎係度影相⋯⋯梗係攰啦。

 嘩，有蕃薯掘到呀⋯⋯

好有成功感，咁大條蕃薯都比呢兩隻大蕃薯掘到。

Isaac: 我地再掘下，睇下仲有無⋯⋯

 掘完蕃薯，有人話要餵小動物喎。

Isaac 就掛住去玩⋯⋯

Isaac: 小朋友係應該玩既⋯⋯

對眼仲係攰到撐唔大既妹妹，而家唔似爸爸啦掛。

睇相，究竟竟係爸爸開心D，定Cliare 開心D呢？

Isaac: 我最開心，因為我可以一個人坐一架車。

Claire: 我開心D呀⋯⋯我有爸爸陪⋯⋯

就係咁，我地由早玩到晚。回到家都散哂了⋯⋯咁又一DAY⋯⋯時間過得真係快。