首爾 SHOPPING 。玩雪之旅 2016 。DAY 3 。滑雪篇

13 Feb 16  未出發，先係網上報左滑雪團LOCAL TOUR，JOIN SEOUL EASY 既一天滑雪團。每位係四百大洋⋯⋯平過巿面既旅行社。反正我地唔識滑，期望亦不大，我地純粹想比兩位小朋友玩下雪而已。所以，媽媽之前只以價格黎作考慮。

等到頸長，終於等到滑雪呢日了。媽媽係只跟上山，無租滑雪用具。不過放心，費用係一樣既⋯⋯不過見唔係貴，所以計返條數，都叫抵既。穿起哂全副租用既滑雪裝後，呢兩兄妹好笨重⋯⋯行動不便呀⋯⋯

Isaac: 咦⋯⋯阿妹，點解你好似唔同左樣咁既⋯⋯

 不過，懶豬妹，因為斜度問題，都未開始，已經開始扭計唔肯繼續學⋯⋯於是乎，由媽媽帶佢去玩雪。

Claire: 我要努力掘呀⋯⋯掘呀掘呀，掘多D雪出黎玩⋯⋯

Claire: 我想砌個大雪人呀⋯⋯哥哥爸爸明明應承我，同我一齊砌架嘛⋯⋯

Claire: 媽咪呀，好悶呀⋯⋯同我一齊掘多D雪整大雪人啦。

Claire 仲錄低左條片叫哥哥快D黎同佢玩TIM。（按此）

其實，媽媽對手已經掘到對手套濕哂⋯⋯十隻手指硬哂⋯⋯陰公。呢個掘雪動作，真係無止境咁。呢個時候，Isaac 其實好努力咁滑緊雪啦。（按此去片）

Isaac: 原來有人講我，唔怪得我係咁打噴啑啦。

Isaac: 我全套黃，擺埋POSE，型唔型？

另一邊廂，媽媽就無Isaac 咁型了。不停掘呀砌呀⋯⋯

Claire: 好野⋯⋯我自己砌到個雪人LU⋯⋯

Claire: 嘻嘻，係咪好可愛呀？

呢個，就係媽媽出盡力，去砌既⋯⋯手指耐寒度係十級呀⋯⋯

媽媽的十指，係濕透既手套裡面，掘左好耐雪⋯⋯都唔明點解Claire 掘咁耐，唔見手指凍硬既⋯⋯ 漫長既時間裡⋯⋯終於，可以等到Isaac 同爸爸滑完雪⋯⋯嘩，勁開心呀，去食飯囉，可以比十指休息了。

我地GATHER返食埋LUNCH後，就齊齊去玩雪兜。不過，玩雪兜要落返去地下正門售票處到，買張玩雪兜既票。原來係有分時段既。其實媽媽都無理早上買比Claire 張飛過左鐘未，言語不通，媽媽見無人趕，我地索性玩到雪兜場關門就走。其實，Isaac 同爸爸未黎之先，媽媽同Claire 都有玩過幾次，不過Claire 身型問題，不能獨自坐，所以，遺憾媽媽無得同佢影相。而當爸爸黎到後，又無同媽媽影雪兜相⋯⋯激死人了。所以，無論VIDEO定照片，都無左媽媽玩的份兒⋯⋯

先睇Isaac 點玩先。（點此）

滑到成面雪，地面既雪飄哂上塊面到，都有少少寒架。

睇佢笑容，就知有幾滿足啦。

跟住到兩兄妹合作，點滑落黎呢？（點此）

爸爸又同妹妹試下先（點此）

玩完雪兜，再玩下掟雪。

差不多五點，我地準備都要走人了。因為SEOUL EASY既導遊定左回程上車時間係五點架⋯⋯LOCAL TOUR有度好，玩到散哂，可以返去正門就上車瞓⋯⋯瞓到返明洞落車。岩哂我地有小朋友既家長們呀。

難得一家四口的合照。呢日真係好好玩，好開心呀⋯⋯