餵食妹

29 Jan 16 呢日學校假期，同Claire 去拍拖。路經超巿，咦，點解有個小朋友忽然停低左既呢⋯⋯再行返埋去望下，哦，原來餵食妹上身。（點此）真可愛。

好不容易趕呢隻餵食豬去餐廳食LUNCH。Claire 講明要食雪糕喎⋯⋯跟著媽媽，媽媽梗係要先小人啦，講明要清哂碗意粉先可以叫。所以，呢碟粉一上枱，有人好興奮準備開餐了。

Claire: 嘩⋯⋯食呀⋯⋯食快D，可以食雪糕架⋯⋯

 扒多兩啖，變左苦瓜乾口。

Claire: 哎呀⋯⋯點解食黎食去都仲未食完架⋯⋯我好飽啦⋯⋯

 好辛苦先食哂成碗意粉呀⋯⋯食完終於可以選雪糕。咦，點解無左個款架，Claire 好愁呀⋯⋯（點此）

終於，杯雪糕黎左了。Claire 得償所願，自己KO左杯雪糕囉⋯⋯天寒地凍喎喂，小朋友，係咪應該同媽咪SHARE至岩呢？

Claire：我食囉⋯⋯你無得食呀⋯碗意粉係我自己食哂架咋!