12朝

Day 10 阿囡日頭依然好聽話好安靜， 瞓覺時間居多， 醒左都唔會點出聲， 只係周圍望眼光光。

Day 11 

 做乜阿囡個頭型咁似爸爸既呢～～～～

Day 12 Claire 12朝了。阿囡梗係知自己大個女啦， 滿12朝， 所以呢日由朝早十點開始唔瞓， 攤到下午四點。當中有四個鐘頭係阿囡自己既大喊時間。有咁大聲喊咁大聲， 仲要喊到鬧人咁款。好惡死。其實係扭眼瞓囉，點解阿囡你寧願嘥力氣去喊都唔肯自己瞓既呢？

不過阿囡好叻架啦， 就係呢兩晚都瞓得好好，全家人有覺好瞓。不過人奶媽仲望緊你戒夜奶既一日囉。半夜餵奶真係好眼瞓呢～～～

朝早食完十點鐘既奶後，開始眼光光， 開頭係好靜既周圍望。呢個樣令媽媽諗起哥哥攝於 DAY 13既樣， 大家話兩兄妹似唔似呢？

Isaac: 我係十三日人仔既Isaac 呀

開始發惡狂喊既阿囡。

媽媽由返屋企第一日起， 已經嘗試分邊種喊聲代表乜野， 可惜經過成個星期， 依然係分唔到囉，只係有時間唔時覺得係賴屎嘈人換片既喊聲。但都唔係次次岩。睇黎媽媽要再加倍努力了。

仲有呢，阿囡暫時都係全人奶。媽媽仲堅持到唔聽爸爸講餵半夜奶粉。因為阿囡食支奶食足一個鐘都未食完。餵人奶仲快靚正。不過媽媽都唔知可以撐到幾耐架， 所以阿囡你最好同我戒左夜奶去。唔該哂。