努力儲奶

Day 20 有左大仔既餵人奶經驗， 呢胎一早已經識得邊餵邊泵， 谷行佢。有幾行？DAY 20已經用左兩盒BOOTS奶袋（80包）。媽媽開始諗緊點清貨，已經間唔時比埋大仔食， 但個冰箱仲係好爆倉

冰箱下半格都塞爆左奶， 奶媽日日幻想緊點清哂冰箱既雪藏食物包括雪糕， 好騰空多點空間放奶。

雖然望落好爆倉， 但媽媽相信呢， 一到滿月日子，呢堆倉存好快會清走哂， 因為拎出街飲既。加上返工後， 一日清幾包， 而家努力D泵多D， 返工唔駛追奶咁大壓力。

呢日阿囡喊爆左， 喊足成日， 喊到奶媽都癲， 唔記得影相。唯有夜晚補影張無閃光燈既相。

Day 21 沖完涼又瞓唔著，扭計扭到單埋隻眼

Day 22 呢日朝早又喊爆成朝， 下午叫做聽話比媽媽恰左一陣。可惜到夜晚又嘈爆左間屋。阿囡你真係又惡又大聲， 就黎隔離屋都走黎拍門投訴你架啦。