扮大人

6 Apr 11因為媽媽坐月出唔到街， 爸爸請左個零星期假陪媽媽順便帶Isaac出街分散下注意力。

Isaac: 你做乜偷影我？

Isaac: 我YEAH～～～不過係三隻手指。

爸爸話阿仔一見到哥哥係度玩呢個， 阿仔又即跑埋去一齊玩。不過呢張相真係好搞笑， 好似左右COPY咁， 因為姿勢差唔多仲要一齊著紅色衫。

Isaac: 呢個髮型夠唔夠型， 係自然造型黎。

唔知幾時開始， 阿仔唔知學左邊個， 行路要懶COOL扮大人咁雙手插袋行。仲要搖黎搖去。樓下個管理員叔叔成日問佢， 做乜你成日插袋架。。

 

7 Apr 11 呢日爸爸又帶阿仔出街食早餐, 等媽媽可以專心恰一陣咁大把~~~一陣咁多, 因為屋企仲有個細囡要服侍.

 

去到街邊， 有個妹妹既媽媽叫個囡拖住 Isaac 喎。你睇幾咁齊心望鏡頭。

Isaac: 喂， 你去邊呀？ 咁快走既？     小朋友：相都影完囉， 仲拖做乜喎

之後， 又表演插袋扮型咁行路。仲周圍同人打招呼， 成個大人咁。