媽媽別倒下

Day 17 Claire: Hello, 我個樣似唔似女仔呀？ 我出世個下好白淨架， 唔知點解越來越黑黑黃黃

呢日阿妹喊足六個鐘， 喊到就黎失聲都仲要喊， 就係要人氹佢瞓。點解阿囡咁硬頸架。

Day 18 呢日凌晨， 媽媽半夜起身餵奶時， 發覺頭暈，行步路都企唔穩。之前未生， 一段時間唔夠瞓， 都會暈架。所以呢次媽媽估計係積勞成疾了。

問下陪月，按佢經驗， 話媽媽除左頭風外，大部分原因係太疲累無乜休息關係，因為呢兩日阿囡日頭搏哂命咁喊， 日頭無得靜靜地咁休息， 夜晚又要起身餵夜奶，變左係又疲勞過度加埋頭風所致，搞到瞓係床都頭暈暈。不過頭暈都無阻媽媽要梗起身餵人奶既意志。

疑似雙下巴既雙下巴妹妹， 究竟係頸既摺位吖， 定雙下巴呢？ 可惜阿囡只係臉仔長肉。媽媽度過身長， 好似同出院一樣。

Day 19 呢日媽媽都仲暈暈地，索性長期攤係床休息。希望快D無事啦。

阿仔除左要日日抱妹妹， 同幫手換片倒水外， 家下仲想學人幫妹妹沖涼涼。阿仔話要睇妹妹沖涼喎，媽媽叫阿仔坐定定， 阿仔真係坐定定睇足全程， 想偷師幫妹妹沖涼。

 Claire: 媽媽辛苦哂啦， 我知你餵人奶餵得好辛苦， 我快D戒夜奶等你舒服D啦。你唔好病呀， 病左無人餵我飲奶。