出院了。全人奶開始

day 2 妹妹第二日出世， 呢日媽媽可以落床了。試下去餵人奶， 不過妹妹無反應唔肯啜， 媽媽心諗， 乜咁懶架衰豬。因為媽媽要求cup feeding， 法國醫院居然叫媽媽自己餵CUP。。。。咦， 浸會醫院係由護士餵架喎。不過咁呢， 媽媽又學識左用杯餵奶了。

day 3 呢日媽媽期待已久既出院終於到了。

攰到九彩既媽媽幾咁興奮，因為可以返屋企瞓返張似樣既大床。雖然知道夜晚會係惡夢既開始（就係初生嬰一定會喊天光）

返到屋企， 出乎爸媽意料之外， 係Isaac一見到爸爸抱住妹妹， 即走過黎呵呵妹妹， 仲有係主動KISS 妹妹， 嘩， 爸媽真係老懷安慰囉。Isaac 好開心有個妹妹同佢玩， 仲即刻拎個rody horse 出黎比妹妹坐， 可惜妹妹太細玩唔到呢。

 Isaac 錫妹妹， 不過媽媽叫佢重覆左兩次都影唔到個下， 真失敗。

Isaac 真係好哥哥黎架， 好錫妹妹， 妹妹瞓覺都呵呵， 一聽到妹妹喊， 仲主動話比我地大人知妹妹喊要去睇睇。

Isaac: 你快D大個陪我玩啦， 我悶左兩年啦。。。

連陪月姐姐黎左呢幾日， 都讚Isaac好叻， 好有大佬風範， 一點呷醋都無。仲識得錫妹妹。希望阿仔大個左都係咁啦。

day 4 經過一夜折騰， 阿囡果然如媽媽所料， 到十一點幾開始黎料LU。一路嘈到成四點幾五點。阿媽幾乎無瞓過乜滯。攰到十彩。

不過呢日好消息係， 媽媽開始全人奶了。成我所願。仲多到可以分D比阿仔飲， 等佢多D抗體返學都唔怕流感。

食完人奶後的妹妹， 瞓得好冧。希望今晚都係咁啦， 等媽媽可以有個安樂覺瞓下。