呢日大家好有共識唔再塞奶咀阿囡食。因為阿囡係好硬頸好有原則， 喊足一個鐘都唔要你個奶咀的。只係要人抱佢瞓著為止。
Claire: 好野， 終於有人抱我瞓了。
呢日媽媽好安靜， 因為終於同喊足大半日既喊聲劃上句號。媽媽精神負担少左， 可能因為咁， 呢日奶量寧舍好。
所謂既抱住瞓， 其實係抱到阿囡瞓著就放落床， 原來咁樣， 可以同之前天壤之別， 之前喊足六個鐘， 而家係瞓足六個鐘。
Day 28 Isaac: 媽媽， 我想餵妹妹飲奶奶呀。
Isaac 真係大佬了， 除左日日不停要抱妹妹， 呵妹妹， KISS 妹妹同埋換完片堅持幫手倒水外， 最近仲要話餵奶奶。
埋身餵食兩啖有野落肚就瞓著， 用樽餵一樣無分別， 餵一安都好艱難。食兩安都要一個鐘，仲要成程係不停打醒佢。真係少D耐性都唔得。其實一個月要食三安架啦， 但阿囡一安就同你BYE BYE 跟住去揾周公， 點搞。
Day 29 Claire: 媽媽，你諗住放我係細床我就會收聲咩？
Claire: 嘩， 我喊啦， 仲唔抱我
Claire: 媽媽抱抱～～～我想瞓覺呀
基本上三日以黎， 抱阿囡瞓著後至放落床， 媽媽就發覺可以把佢由朝喊到晚既習慣變為瞓覺， 跟住仲可以到食奶時間至起身。呢三日可以試行三個鐘至餵一次奶了。希望之後日子會更好過啦。
如果囡囡已經食咁少, 仲三個鐘先餵一次, 好似唔多夠喎~~ 我個女之前都係咁, 人地話要食20分鐘, 佢至多食5分鐘; 跟住D姑娘要我密D餵, 剛剛出世返屋企時, 幾乎要個個鐘吵醒佢食, 佢又唔肯食奶瓶. 而家 佢太孰瞓睡時我都放棄叫醒佢食. 佢清醒時就唔理隔咗幾耐, 食完抱佢落床, 佢唔瞓嘅話就再餵...
回覆刪除[版主回覆05/02/2011 09:49:00]唉， 我唔知呀， 唔想理佢夠唔夠， 因為一日總有兩餐我用樽餵， 都係食得好慢。仲要一安就收工咁款， 好難頂， 反而埋身佢搏命啜， 我估埋身可以飲到四安咁上下。十分鐘佢自然又收工，咁我手泵十分鐘都四安了， 人地話啜係多過泵架嘛， 所以我估佢啜十分鐘都夠佢飽掛VS 樽餵一安佢自己收工
你埋身餵得好唔好呀？一般要食几耐先夠架？我，定力實在太差啦。我已經放棄咗几日埋身餵，改為泵出嚟俾細B食。因為護士姐姐話要每邊食15分鐘。特別係夜晚好難頂。成日驚自己烚著，壓到細B。再加上，我一次可以泵到6安奶。咁細B一次都係食2安到3安左右。咁餵完佢，我又要再泵奶。好纍。但係哩几日自己因為改全餵樽再加上泵奶嘅嘢，每几個鐘就又洗一大盆用具。我又覺得自己好纍。後悔自己唔堅持埋身。哩家自己心大心細咁樣。好煩呀。
回覆刪除[版主回覆05/02/2011 09:50:00]我呢邊護士話， 夠奶的話每次餵一邊架咋， 每邊15﹣20分鐘。唔夠奶至要啜哂兩邊， 每邊10分鐘。所以我每次餵佢一邊， 另一邊泵， 一邊餵一邊泵慳返我D時間。