真結他

21 Apr 11 之前一晚婆婆拎左朋友送既二手結他比 Isaac， 不過阿仔九點鬆瞓左啦。所以呢個結他係呢日晨早比阿仔發現左， 睇佢幾開心。可惜第一個發現結他既又驚又喜表情媽媽錄唔到。。。。因為慣住錄個結他樣。只係錄低阿仔行埋結他後既開心樣， 算啦， 好過無。

Isaac: 媽媽， 幫我影張相先吖

呢個結他， 比阿仔當埋大提琴咁玩。

如果阿仔大個D都仲係咁鐘意玩樂器， 媽媽都會比佢去學下玩下既。家下兩歲真係無地方收阿仔呢。

就係呢個結他， 令阿仔呢日愛不惜手， 一日拎住通屋彈， 彈到阿媽都抖唔到。激死。

除左結他， 屋企仲有條走廊係阿仔既私人跑道黎。跑左好耐日子架啦， 不過坐月中既媽媽， 發覺阿仔多左個玩意， 係跑去買野呢個玩意。阿媽攤係床到， 阿仔已經不停站咁跑左好幾個字架啦， 阿媽足之頂唔住起身錄低佢。最搞笑係五十秒個度， 自己講：返黎啦。

呢次錄影佢無拎個籃， 平時拎埋扮去街巿OR 拎住個袋扮去街係咁跑架， 真係見到都開心， 小朋友咁都玩一餐， 仲要跑到成身汗。