表情多多

Day 8 呢日凌晨爸爸影低左阿囡呢個樣， 話同哥哥一樣喎， 睇下係咪先

哥哥12朝時個表情， 唔食奶就嘟起個咀唔比人餵佢。

不過妹妹真係表情多多， 成日都無啦啦笑。唔知大個會唔會係開心果一名。

Claire: 哈哈， 其實我要笑多D黎冧爸爸嘛， 爸爸見親我都暈得一陣陣既～～～

 Claire: 咁我黎多張正經嘟咀相先啦。呢個表情爸爸見到都好暈浪架。

呢日凌晨爸爸話佢撞鬼喎， 因為阿囡忽然擘大眼斜望佢仲要奸笑咁。嚇親爸爸喎～～～其實係嚇親妹妹就真。搞到明明有兩晚係好靜咁瞓覺， 呢日凌晨又重演喊到天光， 全家無覺好瞓。

阿囡阿囡， 唔該你半夜唔好再喊囉， 媽媽爸爸真係無覺好瞓。難為連哥哥都比你嘈醒埋。真慘。