開始習慣了

Day 5 呢日哥哥行過房門， 又入黎呵呵妹妹了。睇黎哥哥真係好錫妹妹。

Isaac: 妹妹，你快D大啦， 我等你陪我玩架。

Isaac:等我呵呵你啦。你快D戒夜奶啦， 等媽媽有覺好瞓。我其實好錫媽媽架。

呢日開始， Claire 開始習慣屋企了，半夜無再係咁喊。不過餵人奶呢， 依然好辛苦咁兩三個鐘就比佢嘈醒。阿妹快D戒夜奶就好了，等我地成家都有覺好瞓。

Day 6 Claire: 媽媽， 點解我生得咁似阿哥架？  

Day 7 睇真D，其實對眼似媽媽定爸爸呢， 媽媽都唔知呀， 可能要等你大個少少至知。

妹妹到今日都係依然好鐘意瞓。體重由出世六磅一去到今日既六磅四了。媽媽抱住妹妹食奶時， 都覺得妹妹身長左， 不過依然係好好好瘦。阿囡你快D長埋肉啦。媽媽成日都想影下你對瘦到得條骨既手指同腳板， 真係幾嚇人下架。不過呢個要等爸爸合作拎住黎影至影到。

妹妹基本上除左賴左POOPOO猛咁大喊外， TOUCHWOOD暫時都叫做好安靜下。一日到黑都係瞓覺。不過一賴POOPOO就喊到嘈醒人就真係唔知好定唔好了。換慢D都比佢鬧咁款。

食奶呢， 暫時媽媽想SET TIMETABLE做三個鐘一次。因為觀察左幾日， 阿妹有時食完一餐會瞓成四個幾鐘都唔起身， 有時又一個鐘要嘈食一次。做阿媽都覺好辛苦。所以唔理了， 決定三個鐘摷醒妹妹食一次。希望WORK啦。