係咪要放棄呢

Day 23 早幾日上網睇到有BB 都同阿囡一樣， 用原裝CHU CHU 樽但個咀係食唔到，偷師學佢地一樣換左PIGEON 咀配CHU CHU 樽，阿囡終於飲到了。所以呢日趁機比爸爸餵奶奶， 等佢有下親女時間。

Claire: 點解餵奶個位唔同左樣既？   爸爸：你睇我一臉廿四孝老豆咁樣幾冧。

Isaac: 點解妹妹隻腳咁細既？

Isaac: 等我踎低睇真D。。。。因乜解究咁細隻

阿仔跟住仲舉高自己隻腳板拼落妹妹隻腳到比。好搞笑。

Claire: 做乜今次飲奶好似咁熱鬧咁， 咁多人搞我既

Day 24 舉手投降既睡姿， 係阿囡少有既POSE黎。阿仔以前就成日咁瞓覺。

Day 25 Claire: 我唏。。。我想側身呀～～爸爸婆婆話我好鐘意自己側身。但唔係次次都成功， 我仲苦練中。

 Claire: 廿五日人仔既我， 著起呢件衫係咪好長咁呢～～呃得下人架， 著起呢件衫。

 Claire: 等我諗下今日由幾點喊到幾點嘈住媽媽先？

阿囡真係唔識自己瞓架， 阿媽就黎投降。廿五日人仔仲係可以硬頸到喊足大半日， 明明好眼瞓合埋眼都唔會屈服自己揾周公。究竟可以點呢？ 瞓多D至長肉嘛， 否則婆婆日日係到哦妹妹咁瘦食唔飽人奶～～～好在媽媽習慣左姐， 當年餵阿仔時，婆婆日日坐隔離叫媽媽唔好再餵人奶， 因為阿仔一喊婆婆又係個句：食唔飽呀， 唔好餵人奶啦。人地食奶粉唔會喊， 食完就瞓瞓醒就食。個時努力中要餵人奶既新手媽媽真係日日比婆婆激到就黎癲。好在媽媽堅持繼續餵人奶，至可以餵到仔仔肥肥白白咋。

Day 26 一如以往， 呢日阿囡由朝早六點幾喊爆到下午兩點幾沖涼。好難頂呀。媽媽真係開始諗係咪要放棄唔抱呢個堅持， 係咪真係要抱住佢瞓呢。問過陪月， 話妹妹唔食奶咀就唯有抱住瞓， 因為佢地呢個年紀係唔識瞓， 唯有搏哂命扭人抱住瞓， 至少等到兩個月至識食自己手指瞓喎。聽住先， 媽媽會周圍SEARCH下呢個周數既BB係咪真係要抱住瞓先， 因為媽媽唔想等佢幾個月至黎幫佢戒抱住瞓。

成日唔瞓， 到五點幾食奶就昏睡左， 打佢唔醒。可以夜晚七點未到又喊爆間屋， 阿囡你真係好難服侍呀。