Claire 出世過程

4月1日凌晨三點左右， 一如以往， 又係瞓瞓下醒左眼光光等天光。

等下 等下， 忽然間好似有痛既宮縮感覺。每次都有近三十秒。等多幾下， 忍唔住嘈醒爸爸， 話阿囡唔知係咪要出世。爸爸應該同阿囡有心靈感應， 因為呢次叫爸爸，爸爸居然成個醒哂，仲拎埋電話計時TIM。計左成十次， 都好穩定咁每三四分鐘痛三十秒。雖然媽媽經驗， 呢個痛呢，未到媽媽典床典蓆， 應該未有耐至開到一度。不過爸爸話入左醫院先喎，所以點都要起身去醫院。

去到醫院都六點，檢查完如媽媽所料， 一度都未開。嘩， 好失望呀。早知係屋企瞓多陣先。

不過呢個陣痛呢， 急得好快， 忽然間會變成三四分鐘痛一分鐘， 又同第一胎一樣，腰骨痛到不得了。不過今胎連子宮都痛埋， 係前後夾功。夠哂攞命。

雖然係痛一分鐘， 但可惜都係未開到一度。個心已經一橫， 醫生黎到一定要催生。因為經驗話我知， 自己等生呢， 真係有排等。

醫生十一點幾至黎到， 痛到阿媽頸都長埋。可能醫生好人啦， 話有一度啦。。。。不過咁痛至一度。不如索性催生， 快快手痛埋佢算。

近十二點推入產房穿水吊葯，今胎要多謝法國醫院幾位助產士， 雖然個個都好惡， 但真係好幫得手。係媽媽痛到生不欲死時， 痛到連笑氣都唔識用， 只係向喉嚨發出呻吟聲， 跟住比惡死助產士鬧。不過真係唔識幾時要吸幾時要呼囉。

其實係穿左水呢個MOMENT， 係痛到不得了， 媽媽好想叫爸爸開刀啦。一了百了。但一諗到開刀後餵人奶又慢D， 成個過程係靠催眠自已要餵人奶餵人奶餵人奶， 至忍住口唔講開刀。呢刻爸爸又好叻喎， 撩到媽媽有盼望既話題， 就係話同媽媽去旅行，媽媽個腦即浮起去北海道。。。可惜幅射，爸爸話媽媽成個過程最精神既答案係：去邊度旅行。。。。。。不過呢個係真既， 除左餵人奶， 去旅行即時成了個刻陣痛既盼望同堅持。

比助產士係咁話唔係咁吸笑氣，跟住幾個助產士大大聲叫媽媽搏命聞啦， 吸。。。。。。吸。。。。吸。。。媽媽一搏命聞就賴野～～～即刻眼前一黑乜都睇唔到， 但神智係好清晰的，稍為呼吸一亂比助產士鬧，媽媽就會聽佢地講， 呼呼呼。。。唔知要呼到幾時， 總之聽到吸， 就吸氣。好快之後， 好急屎好急屎好急屎， 要屙屎了，不自覺係咁屙～～～～但又比姑娘鬧， 因為醫生未黎到呀， 醫生可能返左去診所睇症。好急屎好急屎， 一咪比姑娘鬧唔好屙住。

迷迷糊糊中， 媽媽聽到助產士話要急CALL醫生返黎啦。。。。。。又有助產士同媽媽講， 醫生唔係度我都幫你接生～～～呢句係精神上好大幫助，急屎急到上腦的媽媽真係個心定哂， 專心繼續聽按住助產士ORDER 吸。。。吸。。。吸。。。最記得有一下， 爸爸叫錯媽媽呼。。。但助產士即叫吸。。。媽媽呼左半啖氣即改返吸氣。。。。其實真係唔知邊秒要呼同吸囉。

急屎急到不得了， 醫生終於被召回來， 媽媽可以屙屎了，屙屙下忽然又叫停媽媽停住先。。。。嘩， 其實好難停， 因為仲係好急。不過聽到佢地講， 已經屙到流哂血， 陰公囉， 原來係屙得太急， 下面爆左， 嗚嗚嗚～～～～～

陣痛呢個十級痛楚，就係連個BB出左世都無感覺囉。媽媽只係聽到出左世啦， 好叻呀。。。。。。嘩， 原來呢胎媽媽真係屙得出。唔駛吸出黎， 全靠班助產士教媽媽呼吸， 媽媽至會有急屎感覺。之前生ISAAC係好少急屎感覺就要迫住媽媽生。

阿囡出左世，只係FEEL到有個BB YOUNG 下YOUNG下放左係自已個肚到同埋聽到喊聲。。。跟住笑氣葯力過左， 終於睇到野， 但手腳係無力既，助產士比個BB媽媽抱住， 其實係好怕佢會跌左落地， 好在爸爸係隔離都扶一扶。不過眼仔都花花地， 轉頭都無力， 只係聽到爸爸話阿囡一瞓埋黎， 就玩口水。

就係咁，生左CLAIRE出黎了。重六磅一安士， 成個過程好似發夢咁。不過要多謝爸爸全程陪伴仲要比媽媽無情力就黎整碎佢隻手喎。。。真係辛苦爸爸了。