兒童節去海洋公園

4 Apr 13 兒童節遇著清明節. 清明節係中國傳統節日黎, 媽媽按冬至去海洋公園經驗, 估計呢日黎海洋公園, 應該少好多強國人. 所以, 一早決定呢日黎海洋公園.

我地好早出車架, 不過去到都十點半LU. 海洋公園原來開十點架咋, 所以, 入場時, 人唔多.
 雖說唔多人, 但我地諗住拎海豚劇場的貴賓飛, 已經無哂, 要等三點幾個場至有幾個位剩. 唉, 我地又諗住早走, 所以, 三點幾都係唔睇了. 改換歡樂劇場的貴賓飛.

因為歡樂劇場一點開始, 所以, 我地先上山. 第一站去探下企鵝.

好難得見到企鵝BB呀.....BB就係工作人員餵緊個隻, 企鵝BB係全身有毛包住架, 以保體温. 我地唔係次次黎海洋公園都會睇企鵝架. 所以, 呢次Claire 一睇到, 目定口呆, 好搞笑. 可能係佢記憶入面, 無企鵝呢種動物啦.

Claire: 我想試下比海獅食既感覺.

Claire: 嘩, 好可愛呀呢d企鵝.

睇完企鵝, 我地就落山, 因為行程慢嘛, 所以好似遊大運咁.

 Claire: 唔好咁趕時間啦, 黎買下菜先.

一點鐘, 行到去睇歡樂劇場. 睇下捱眼瞓的妹妹幾咁專心.

呢個歡樂劇場真係好難睇. 唔怪得有飛剩啦.

睇完歡樂劇場, 我地去隔離間熊貓餐廳食野, 莫非Claire 攰到想瞓, 所以除哂鞋襪?

梗係攰到傻左定, 連褲都除埋. 嚇親人.

醫完肚, 我地跟住去兒童樂園玩. 呢次, Claire 主動自己爬呢個假石山了.

仲第一次同哥哥單獨坐機動遊戲. 媽媽仲好擔心, 妹妹會唔會坐坐下忽然企起身扭落地呢? 因為無媽媽伴住吖嘛, 咦, 又無喎. 妹妹真係大個了.

呢日去海洋公園, 兩兄妹都食得好少飯. 好在媽媽有備而戰, 準備左愛心旦糕. 睇下妹妹食得幾滋味. 下次黎海洋公園, 都係要整定飯糰至得. 咁樣的話, 兩兄妹會唔覺唔覺食多左, 唔駛捱肚餓.