大本營遊學園playhouse

7 Apr 13 呢日, 爸爸話去遠D玩喎. 遠D.....不過唔係戶外, 而係去遠D 既室內玩. 卒之去左油塘既大本營間PLAYHOUSE. 一入商場, 嘩, 好搶眼既大鳥呀. Claire 話要影張相先. 咦, 呢張相, 影到阿妹又真係好靚女喎.



而家去親PLAYHOUSE, Claire 例必第一件事跳彈床.

睇下, 跌低都四萬咁口架. 真係好ENJOY

越來越百厭既Claire, 係屋企不停爬上爬落, 去到playhouse, 今時今日難唔到佢.

行呢個洞, 幾自如, 真係難唔到佢. 鬼叫佢細粒咩, 真係無難度.

咦, 忽然見到阿妹行吊橋喎. 仲要唔驚喎. 之前去既playhouse都無吊橋架, Claire 進步左了.



跟住玩滑梯, 爸爸話由得佢自己sir落去. 其實呢條梯有幾個突位, 會好"凳", 阿妹又咁細粒, 媽媽都幾驚架. 怕佢凳到反轉左黎落.

sir左落去既Claire, 算唔算媽媽擔心中既反轉落呢?

換個角度睇, 咦, 衰妹又笑得幾咁開心喎.

 唔通呢款滑梯, 凳得黎, 岩哂小朋友口味?

跌左落波波池, sir 完滑梯後, 好努力要爬返起身既Claire

爬爬爬, 呢日我地去大本營, 比阿妹爬足兩個鐘, 真係乜電都出哂了.

油塘playhouse近西貢, 所以, 我地叫左公公出黎食飯. 阿妹而家行得快左, 曉得拖住公公行了.  難得呢日, Claire 放電左咁耐, 體力真係進步左不少了.

講返呢間遊學園playhouse, 收成一百蚊一位, 老老實實真係有點貴. 因為佢地方唔算大, 相對playtown黎講, 真係貴架. 不過對於我地新界人黎講, 特登去playtown又遠, 所以唯有去playhouse架咋. 但如果平日去, 加埋大本營商場免parking的話, 都叫抵既. 因為我地係wkend去, 都要比parking, 就唔算太抵了. 遊學園同荃灣分行黃巴士都係約五千呎~~~咁既面積, 收費就係荃灣抵d. 所以媽媽就話, 下次去荃灣了, 又近喎.