主動影相

Isaac 越大個, 越有自己既一套~~~影相既時刻. 就係有時我地見到好靚既景或佈置, 叫 Isaac 影相, Isaac 就九成都話唔影, 唔好影. 之但係, 佢又唔係唔鐘意影相架喎. 好似下邊咁, 全部都係 Isaac 自己主動要求話影相架, 仲要笑到一式一樣既招牌笑容, 擺埋差唔多既指定pose, 真係好有佢自己既一套.

 呢張係, 話說好多時 Isaac 食飯, 都要媽媽整飯糰. 咁媽媽就會即席用飯夾餸, 整埋一舊整佢指定既公仔. 呢張唔知大家睇唔睇得出, 係架飛機. 媽媽既砌飯糰技巧有待改進.

呢張就係 Isaac 去完日本返黎, 學識用大人筷子. 呢日係屋企, 又嘈住要用大人筷子夾野食, 咦, 又得喎. 睇下佢笑得幾咁開心. 可惜之後, 都無乜機會見到佢用大人筷子了. 尤其係爸爸唔鐘意見到佢夾到跌左落地. 試過有次阿仔想用筷子, 但爸爸一句, 阿仔即放低筷子唔敢用. 真係好可惜呀. 希望阿仔快 D 主動用返大人筷子啦.

Isaac 出名錫阿妹, 呢日, 無啦啦扮交通工具, 比阿妹坐上去. Isaac 你真係好乖仔呀. 唔怪得咁多老師, 同爸媽都咁錫你啦.

呢張係, Isaac 自己用飯糰模整既飯糰黎架. 佢話要影相比老師睇喎.  

呢日, 媽媽忽然揾返個立體 PUZZLE 出黎, Isaac 好快砌到. 其實呢舊野, 無玩好耐架啦, 我估都有足一年. 即係証明, Isaac 進步左呀. 所以, 佢話要媽媽幫佢影相, 比老師睇喎.



呢張係 Isaac 做完功課, 忽然話, 要媽媽影相, 比爸爸睇. 中間灰色個d, 係佢自己畫畫咁, 畫左個中字出黎呀. 而家出街, 或睇書, 都會無時無刻教下佢認字. 等佢識多d 中文字. 呢個中字, 都係媽媽教佢認架咋, 估唔到自己識勾畫返出黎.