去玩去癲

16 Mar 13 Isaac 又去玩LU. 今次係去九州. 唔知係咪Isaac 去慣出國旅行. 有次學校旅行, Isaac 係咁問, 係咪搭飛機架, 咁學校旅行係咪住學校架....好搞笑. 

次次去旅行, 都好興奮架. 一上機, 就搞搞震. 


我地係台灣轉機, 居然比媽媽揾到呢個可以玩既手信店. 斷估裡邊既售貨員唔會嬲掛, 呢d 擺明比小朋友玩架嘛 Isaac: 我地坐熱汽球lu



 Isaac: 嘩, 原來呢度有個洞可以捐架

 Isaac: 媽咪, 你睇下, 阿妹又學我呀

轉完機, 終於到左九州博多lu. 比爸爸夾硬捉住影相. 

17 Mar 13 呢日我地去擺車, 居然比我地見到九州有個按紅綠燈既button.  平時係香港, Isaac 最鐘意就係按呢d button, 去到日本, 梗係新士坑都要按下啦. 

 仲有, 平時 Isaac 見有車展, 都一定嚷著要上去坐下架車, 玩下呢玩下路. 爸爸係日本租車, 阿仔梗係一定嘈住要扮下司機. 睇佢笑得幾燦爛. 男仔果然天生愛車. 

18 Mar 13 呢日我地去九州動物園. 之前唔知係咪比媽咪嚇得多, 成日話獅子會食佢, 爸爸又話餵 Isaac 比獅子食, 所以, 我地雖然坐係架巴士裡邊, 但每逢見到大型動物好似獅子, 大象等等, Isaac 都會縮埋對腳上張凳到, 盡量縮埋自己, 真係好搞笑. 

 我地就係用呢盤野餵動物了. 

開頭仲未見大型動物出場時, 同爸爸好合力咁一齊餵小山羊. 

 坐完大約四十五分鐘既jungle bus 後, 我地自己係動物園行下, Isaac 又餵下小猴. 

每次去一個大型小小既景點, 爸爸都會買一個玩具比阿仔. 呢次都唔例外. 

 Isaac: 呢架就係我架戰利品了. 本來一開就爛左架, 好在媽媽仲記得點講日文, 走返去同店員講要換....我至有架完整無爛既車咋. 

臨走, 同返呢架jungle bus 影相. 手上仲係拎住架戰利品. 呢架戰利品, 成為阿仔心頭好~~~ 一日咁多. 因為爸爸翌日又買另一架火車比佢, Isaac 就忘記左呢架了. 所以媽媽成日話, 太多玩具不懂珍惜. 

Isaac: 媽媽, 你唔好咁啦.....我其實好聽話架. 比小小玩具奬勵下我囉. 

 呢間嗚門烏冬幾好喎, 坐叠叠米, 有兒童椅子放門口, 等小朋友唔駛坐得咁辛苦. 

 食完飯, 去日本指定動作 - 行百貨公司. 總會有小朋友最愛的車仔. 幾好喎, 如果香港都係咁就好囉. 咁大人買野, 唔駛成日顧住小朋友周圍走. 因為有架車等佢地好專心咁坐嘛. 不過香港咁細, 百貨公司咁窄, 呢個都係發夢或去日本至有的.