Isaac 話咁快就四歲了， 回想四年前呢日， 媽媽捱過左足一晚既典床典𥱊跟住翌朝仲企唔到， 又捱過左半天， 至生左呢個小朋友出黎。前後都有三十個鐘陣痛。
10 Apr 13 生日前夕， 趁Isaac返左學， 媽媽拿拿臨焗左個芝蔴旦糕做餅底。跟住仲趕頭趕命出去買左三合士多啤梨返黎（因為未整過士多啤梨果茸， 所以唔知要幾多粒士多啤梨至壓到夠份量既果茸出黎做果凍。點知士多啤梨多得滯， 諗住用黎鋪邊， 咁會靚D 啦。鋪下鋪下， 做乜好似鋪左對眼同咀咁既。
夜晚， 懶有心思咁， 自己第一次無師自通盲摸摸咁用糖膏砌左朵花同超人出黎。第一次， 我覺得算係咁啦。
搓完後， 對手係好上色架。呢幅相， 係翌日洗過十幾廿次手， 幫埋對仔女沖涼後， 至影既。可想而之， 未同兩個沖涼前， 對手幾咁鮮艷。跟住Isaac 仲係咁話， 你對手好污糟呀， 梗係畫畫整親啦。洗左手無事架啦 ～＿～
三合士多啤梨(兩合大既美國士多啤梨一合細既韓國啤梨）， 整完個旦糕， 仲有好多士多啤梨淨， 經一輪掙扎後， 都係整果醬KO左佢算。因為唔想又夾硬食多個旦糕
11 Apr 13 呢個就係媽媽處女作： 有層次既旦糕了。就係士多啤梨鋪邊， 搞到朱古力MOUSSE 有機可“流”， 幾咁肉酸。
祝 Isaac 身體健康， 聽教聽話。
一家人同個旦糕合照先。
旦糕上的超人， 就係跟住Isaac 近期至愛的WIZARD黎整架， 阿仔一望就望得出係超人，仲好開心咁叫爸爸行埋黎望TIM。
咁快就四歲， 好快 Isaac 就越來越唔聽我地講LU。希望佢聽話啦。
下邊係唱生日歌片， 多謝姨姨駕臨幫我地錄
10 Apr 13 生日前夕， 趁Isaac返左學， 媽媽拿拿臨焗左個芝蔴旦糕做餅底。跟住仲趕頭趕命出去買左三合士多啤梨返黎（因為未整過士多啤梨果茸， 所以唔知要幾多粒士多啤梨至壓到夠份量既果茸出黎做果凍。點知士多啤梨多得滯， 諗住用黎鋪邊， 咁會靚D 啦。鋪下鋪下， 做乜好似鋪左對眼同咀咁既。
夜晚， 懶有心思咁， 自己第一次無師自通盲摸摸咁用糖膏砌左朵花同超人出黎。第一次， 我覺得算係咁啦。
搓完後， 對手係好上色架。呢幅相， 係翌日洗過十幾廿次手， 幫埋對仔女沖涼後， 至影既。可想而之， 未同兩個沖涼前， 對手幾咁鮮艷。跟住Isaac 仲係咁話， 你對手好污糟呀， 梗係畫畫整親啦。洗左手無事架啦 ～＿～
三合士多啤梨(兩合大既美國士多啤梨一合細既韓國啤梨）， 整完個旦糕， 仲有好多士多啤梨淨， 經一輪掙扎後， 都係整果醬KO左佢算。因為唔想又夾硬食多個旦糕
11 Apr 13 呢個就係媽媽處女作： 有層次既旦糕了。就係士多啤梨鋪邊， 搞到朱古力MOUSSE 有機可“流”， 幾咁肉酸。
祝 Isaac 身體健康， 聽教聽話。一家人同個旦糕合照先。
旦糕上的超人， 就係跟住Isaac 近期至愛的WIZARD黎整架， 阿仔一望就望得出係超人，仲好開心咁叫爸爸行埋黎望TIM。
咁快就四歲， 好快 Isaac 就越來越唔聽我地講LU。希望佢聽話啦。
下邊係唱生日歌片， 多謝姨姨駕臨幫我地錄
沒有留言:
張貼留言