雲石牛油磅蛋糕

話說有兩日, 忽然想整雲石蛋糕, 講起雲石花紋, 其實都難唔到媽媽, 因為以前上家政堂, 都做過雲石花紋, 不過個時MISS係教, 倒左白色漿再倒啡色漿再倒埋白色漿咁教既. 同今次親子逐匙筆入去好唔同.

今次係用個新買返黎既磅蛋糕模, 因為街邊食既雲石蛋糕, 好似都係咁樣架嘛, 哈哈.

材料:
牛油    100G
砂糖    100G
雞蛋     兩隻(睇好多食譜, 話原來雞蛋唔夠室温的話, 打發砂糖就好難打得溶)
雲呢嗱油 半茶匙

低粉 70G
泡打粉  1茶匙
可可粉  2湯匙

1) 先把牛油待室温軟化, 接著用打蛋器打至鬆軟 (會變淺黃色)
2) 加砂糖入 1), 繼續打至鬆軟白色狀
3) 雞蛋打散後, 分兩次加入 2) 搞勻, 再加入雲呢嗱香油
4) 低粉及泡打粉分三次切伴方式加入 3), 輕手拌勻 (低粉及泡打粉至少篩兩次才用)
5) 把粉糊分兩分, 一份加入額外的兩湯匙低粉 (已篩), 另一份加入可可粉 (要篩)
6) 建議用兩隻不同匙, 分別把兩組不同色的粉糊, 逐匙平放入模內 (以免白色糊被染成朱古力色)
7) DUN 一 DUN 焗模, 使空氣跑出. 用180度焗約30分鐘

 睇好多食譜都話要係粉糊焗緊時, 係面界一直線. 媽媽就無咁做, 由得佢自由爆發. 呢個就係自由爆發既樣. 同出面買既磅蛋糕有乜唔同呢? 界左咪又係有一條痕.  莫非條痕會長D?

屋企唔見左涼架, 唯有係碟到放涼.





涼哂, 食得, 切開又幾靚喎. 不過咁重牛油, 自己整完其實唔係好敢食咁多.

有份幫手整既乖仔一名, 循例都要影下相嘛.