歡樂滿海洋

4 Apr 13 有左冬至去海洋公園的經驗, 媽媽一早就算定清明節呢日, 海洋公園應該好少人, 所以我地呢日鐵定去海洋公園. 好在落左成個假期雨, 呢日停哂雨, 陰陰涼涼, 好舒服.

熱愛動物的 Isaac, 一去到海洋館, 睇到呆哂.



其實係睇熱帶魚咋喎. 果然有爸爸遺傳, 鐘意動物呀

鐘意動物程度, 就係比隻手海獅咬, 阻住哂人地影相.

睇動物雖然係好入神, 但一見到佢鐘意既車車, 就笑哂出黎

 Isaac: 好野, 有得渣車車

Isaac: 次次黎海洋公園, 都無同雪糕影相, 不如今次同我影返張吖

Isaac: 媽咪, 乜你呢個表情咁似我既

呢次去海洋公園, 我地比足個幾鐘小朋友玩. 真係玩到唔願走. 呢次仲係兩兄妹, 各自第一次玩呢個機動遊戲, 亦都係第一次, 無爸爸媽媽陪同下, 兩個自己玩. 好識照顧人既 Isaac 當然令爸媽放心, 比佢同妹妹單獨坐啦.

成個旅程, Isaac 笑得最燦爛係同其它女仔搭嗲. 笑到唔見左對眼

Isaac: 乜姐, 我擺pose 影相, 都笑得好開心架

Isaac: yeah~~~

Isaac: 呢個look夠唔夠正經呀?

Isaac 越來越大個, 都越來越乖了. 係屋企, 都係一個好哥哥黎, 無時無刻都照妹妹. 真係叻叻.