體能訓練 @ 黃巴士PLAYHOUSE

12 Apr 13 呢日爸爸請假, 加上哥哥學校生日會, 早一個鐘放學. 所以, 我地放學後, 驅車去荃灣黃巴士PLAYHOUSE, 呢次係第二次去了.

其實對上一次玩PLAYHOUSE, 只係幾日前咋嘛, 又係同一個集團, 不過係油塘. 媽媽見咁遠, 車程都一個鐘, 荃灣收費又平D. 所以, 勸爸爸黎荃灣算了.

去完油塘再黎荃灣PLAYHOUSE, 其實設施玩具都一樣架, 所以, 都係就返自己方便, 去PLAYHOUSE算啦. 可能荼灣黃巴士PLAYHOUSE已開左一段時間, 加上又有成個麗城居民既月票支持, 而家無左買一送一個優惠了.

每次去PLAYHOUSE, 第一樣必玩, 就係彈床.




兩隻跌到一仆一碌, 都仲好ENJOY.

係屋企無時停, 爬上爬落既Claire, 去到PLAYHOUSE而家好快就唔見左人了. 唔駛人陪玩

Claire: 咦, 點解媽咪仲係上邊未落黎架?

黃巴士同遊學園既滑梯都一樣咁斜同DUK, 影左好多張, 都係矇哂.

好在, 都叫做影到Claire 由滑梯跌落波波池個刻的笑容.

我地第一次黎時, Claire 未發掘到呢一角架. 今次馬騮左既Claire, 居然揾到呢度Claire: 究竟要點至可以過到去既呢?

Claire: 裝下下邊先



Claire: 媽咪, 係咪咁呀?

Claire: 好似咁樣過會舒服D

Claire: 捐到.

Claire: 咦, 捐左過黎, 又一新境象喎

話說呢度, 有個大滾桶, 爸爸就掉左Claire 落去, 睇佢個樣, 雙眼露出驚惶表情了. 其實佢真係好驚架, 係咁掙扎要爬返出黎.



比爸爸整古完, Claire 不單止無嬲爸爸, 仲主動幫手搬野比爸爸

睇下, 兩兄妹幾咁enjoy 睇自己個成品

就係皇宮一座

砌完皇宮, 又走左去跳彈床, 呢張好難得, 影到Claire 跳起, 幾有動感.

又係第一次發掘到呢區---繩網. 好似有板有眼咁喎

嘩, 唔通真係唔駛媽咪幫??!!

當媽咪兜去前邊影相時, Claire 已經跌左隻腳仔出去, 剔實左了. 搞到媽媽要爬前拯救妹妹.

呢次我地玩左兩個鐘, 就要走了. 因為大家都好眼瞓啦. 咁放電法. 尤其係Claire, 睇住佢體能一次比一次進步, 叻叻.