別府灣 ．門司港

19 Mar 13  咁多日行程, 好多都係為左小朋友而去諗. 但估唔到, 呢一個加插既別府灣PA停留半小時, 係小朋友最歡樂既一環. 

嘩, 走呀走呀~~~尋人呀


棵樹咁靚景, 梗係要留返個倩影啦. 好在阿仔肯陪老媽影一張姐. 

Isaac 九成時間, 好鐘意阿妹架. 又好保護妹妹. 真係好有大哥哥本色. 睇下, 明明自己想跑草地, 但都好小心咁拖住阿妹就住黎行. 

好温馨的兩兄妹. 

Isaac: 你識唔識 V架????

一臉滿足既Isaac, 點解? 咪就係佢手上的一袋食物戰利品囉. 

半小時話咁快跑完, 我地又要繼續旅程, 坐長途車去門司港. 唔知係咪屈左係車近三小時, 落車要拉下筋呢. 

就係呢條橋, 會開會關. 之前唔知係咪爸媽又講笑, 話開橋會唔會跌哥哥落去架. 卒之， 我地行到橋邊時， Isaac 不停話唔行上橋， 因為佢真係怕係橋跌落水呀。好可愛。

齊齊坐係側邊睇開橋。READY GO。

睇完開橋， 我地揾地方醫肚。入到呢間餐廳， 有塊透明玻璃係地下， 估唔到 Isaac 唔驚， 仲不停咁行。

Isaac: 嘩， 我又要試下倒茶先

食飽飽， 行去鐵道博物館。原來門司港好細架咋， 由音樂橋行去鐵道博物館其實十分鐘搞掂。一眼望哂。

一場黎到， 無理由唔同門口架大火車影相架。

Isaac: 嘩， 呢架車廂無人既

博物館有一邊係兒童玩車既地方， 岩哂車迷Isaac。

 Isaac: 媽咪， 我可唔可以拎返屋企玩架

男仔真係男仔， 除左對車有興趣， 仲有係對機器有興趣。

睇下， 幾認真咁研究緊呢個呔盤

嘩， 終於等到最好玩既環節， 就係渣小火車了。睇下爸爸幾咁開心， 究竟係爸爸開心D吖， 定Isaac 開心D呢

究竟係邊個渣緊架車架？

Isaac 就係渣呢架車啦。

 玩完佢話好開心喎。不過我地只係玩一次咁多。因為要300YEN一次架， 得一個圈。

夜晚， 我地去屋台食拉面， 唔知點解忽然識渣大人筷子， 不過返到香港， 又打回原形， 死都要拎返自已個對學習筷子。睇黎都係要執行迫佢用大人筷子了。