佛誔去海洋公園 (2)

新年買左張海洋公園PASS後, 爸爸答應左要同Isaac 黎夠十次. 不過, 暫時好似去左五次都無. 但爸爸張pass 就過期了.

所以, 呢日佛誔無野做, 媽媽就建議去海洋公園逛下. 有自己張pass入場, 大個仔了.

而家去海洋公園, 指定動作好似係去兒童王國. 玩極都唔厭.

Isaac: 咁我鐘意玩吖嘛.

Isaac: 媽媽, 你想唔想食西瓜呀?

另一個指定動作, 係坐吊車. 又係坐極都唔厭.

以為天陰陰去好舒服, 但落下兩停下雨, D 熱氣升哂上黎, 其實仲熱仲辛苦. 所以, 我地周圍揾雪糕食.  

Isaac: 去海洋公園, 其實我最心係食雪糕架咋.

話就話去半日, 但攰到七彩. 臨走, 係門口見到樂隊, 哥哥話要去打下鼓, 於是, 三父子女一齊又玩下. 咁又一天了. 下次去, 唔知又係幾時呢?