簡易菠蘿包皮

自細到大都好好好鐘意食菠蘿包， 既然揾到免搓包既方法， 梗係拿拿臨揾埋菠蘿包做法。但好煩喎， 又豬油又臭粉。所以， 最後， 揾左個乜都唔駛， 超簡單的菠蘿皮做法。真係材料簡單到無人有。

材料（六個正常SIZE的份量）
牛油 50G
糖粉 60G
旦漿 20G
奶粉 10G
低筋 80G

係咪好簡單呢？ 做開旦糕既人， 屋企實有以上幾樣。唔駛特登揾豬油同臭粉。不過亦因為無左豬油同臭粉， 所以出黎既菠蘿包， 唔可以同好好味既茶記個種脆哂爆哂既菠蘿包比。但呢種做法， 一樣可以做到脆卜卜， 同埋好健康TIM （無豬油同化學野）

做法：
牛油同糖混合均勻， 倒入旦漿打成淡白色， 再篩入奶粉及低筋， 伴成粉糰入雪櫃雪約30分鐘變硬身， 拎出黎用兩張保鮮紙上下夾住碌平。跟手掉轉倒入包上邊， 用刀輕輕界紋， 再一齊最後發酵。坊間寫菠蘿包焗法，係先用210度焗5分鐘， 再轉180度焗18分鐘， 但我試過呢種方法， 亦都試過先180度焗20分鐘上左色， 至臨尾用高火即210度焗5﹣10分鐘。發覺後者係脆好多TIM。

呢個做法出黎既菠蘿包樣

小貼士：
菠蘿包皮做法， 我每次只做一半份量， 跟手放冰箱。需要時， 至係冰箱拎出黎。等我搓好包型後， 其實舊皮仲好硬， 我就照碌。貼士係唔可以碌得太薄， 否則唔夠脆。約半公分就好了。如果等到舊冰糰軟左至碌， 咁放上包到， 就好有難度。因為好似溶左一PEI既牛油咁架啦。
仲有， 坊間都係等舊包最後發酵後， 至放菠蘿皮上去。我就係放塊皮同菠蘿包一齊最後發酵。咁個花紋， 會隨住舊包最後發酵發大時， 塊皮都會有少少扯開左， 即係花紋都有少少不規則的。有少少似街邊買既感覺。
記住係界左花紋同舊包最後發酵呀。舟