佛誕遊海洋公園

17 May 13 佛誔無節目, 瞓醒見無乜雨, 又好似天陰陰咁, 媽媽就話不如去海洋公園逛下. 反正買左PASS.

一去到, 就知賴野, 熱到爆. 剛入場, 大家仲有少少心情影下相留念.

但一去到兒童王國, 一家四口濕哂. 妹妹除埋外套至掂. 可惜哥哥無後備衫, 至慘係爸爸, 焗衫加長褲, 真係焗出一身汗.

呢個兒童王國, 媽媽通常見到都退避三舍, 尤其係夏天, 嘻嘻. 留返比爸爸陪佢地玩, 反正平時咁少陪兩兄妹.

嘩, 好熱呀, 阿妹仲去街巿買餸.

Isaac: 阿妹, 你揀完未呀?    Claire: 未呀, 我想買呢舊南瓜呀, 不過好大舊, 食唔哂.

逛下逛下, 濕哂咁. 忽然爸爸興起抱妹妹騎膊馬. 嘩, 媽媽忽然覺得好似餅印呀

呢個表情一樣既, 夠餅啦掛??!!

Claire: 咁熱, 唔好同我講餅啦, 我想食雪糕多D呀

 Claire: 我好滿足呀, 咁熱天時, 有支甜筒比我降下温.  Isaac: 影相呀妹妹, 唔好再望支雪糕啦.

 Claire: 我笑.....

 Claire: 我唔影啦, 我要專心食埋支雪糕佢.

咁熱, 都係入冰極天地舒服d. 呢個位, 我地次次黎, 都唔見有企鵝, 媽媽仲成日諗, 究竟呢間房係咪用黎表演既呢......咦, 原來個洞係通向另一邊, 今次卒之見到有隻企鵝游左上黎了.



點知太多遊人望住, 呢隻企鵝好快又跳返落個洞游返對面"岸"了.

 

臨走, 好女仔既Claire 見到呢隻公仔, 二話不說就跑埋去要影相. 挨係條魚到, 幾咁含蓄.