忌廉紅綠燈 （炒豬肉片燈籠椒）

父親節整旦糕， 有忌廉剩， 所以又拎少少黎整餸。其實都無刻意整乜餸。不過見雪櫃有食剩既燈籠椒， 又有粟米， 仲有豬肉。不過黎個炒雜燴。好聽D， 不如幫佢起個名叫紅綠燈， 真係有哂紅黃綠。

材料：
燈爖椒  隨意份量
粟米粒  兩支切粒
萫茄      一個（又係剩餘物資， 其實兩個會好D）
豬肉      切片又係隨意份量

淡忌廉  1／4杯
鮮奶      1／4杯
香草      適量

做法：
先滾水落蕃茄， 去左層皮先。之後壓碎萫茄， 變成蕃茄汁
用蒜頭同洋葱爆香個鑊， 跟手炒熟豬肉片。我就好懶， 通常唔會筆起豬肉再起新鑊既， 反正自己食， 所以， 會跟手倒埋燈籠椒落去炒。炒香左燈籠椒後， 落埋粟米粒， 就隨手一撮香草放入， 再倒入淡忌廉同鮮奶同埋之前整左既蕃茄汁， 大火煮至滾， 滾後轉中小火煮至杰汁為止。
 其實可以落埋芝士， 不過之前整PIZZA清哂雪櫃的芝士， 所以呢次無芝士都無落旦黃。但都好香的忌廉味架。加埋一個蕃茄汁， 少少咸咸地咁。如果蕃茄多D， 可以變埋蕃茄忌廉汁TIM。