難搞寶寶？？

Claire 自小就好惡湊， 成日喊又唔知喊乜。而家大左， 終於有少少明， 就係Claire 二小姐係一個好奄尖既人黎架， 以前喊可能係投訴緊D野不過唔識講。我地又唔明。

大個左， 除左對食一貫奄尖外， 對衣著都好有自己要求的。尤其係出街個時（反而係屋企， 比乜衫都著；出街就唔得， 比乜都要佢批淮， 二小姐唔鐘意， 會掉左件衫落地自己摷件衫指定要著佢出街）

呢日一話出街， 好快換哂佢指定既衫褲， 跟住到著鞋就慘囉。話說我地去圖書館， 圖書館之前講過要除左咇咇鞋個發聲器。咁媽媽係屋企除左先啦， 點知有人大發脾氣，睇下， 著左三對都掉返出黎。


一副不滿既樣同媽媽投訴： 唔好影我呀， 我無鞋著呀～～～

不過唔發老四時， Claire 係幾可愛架， 仲好女仔TIM。行行下商場見到個公仔， 忽然間話要影相。其實呢個公仔有幾靚呢


不得不提， 就係可能女仔自理能力真係高好多。岩岩足兩歲時， 戒左片。直接出街。一周後， 仲夜尿都戒埋。而家成日半夜起身叫媽媽同佢去VV。早兩日仲叫媽媽大為讚嘆， 就係半夜話去POO POO， 媽媽以為佢瞓慒左， 點知真係合埋對眼屙POO POO喎。嘩， 媽媽個刻真係覺得呢個小朋友好厲害。除左佢對食同夜著既要求外， Claire 不失為一個醒目女黎既。