嬉沙又嬉水

6 June 13 呢日我地平日去沙灘， 之前幾日仲係落雨， 呢朝又陰到爆， 可能咁樣， 成個沙灘係無人。正。Claire 一去到， 都忘哂形咁玩沙。沙對佢黎講， 一點都唔陌生。

究竟係到做乜呢？

 哦， 原來係筆泥水。搞到成桶水好似泥漿咁。

 Claire: 我諗住砌城堡吖嘛。咪落水囉。

 睇下， 玩到對腳都係沙。依然無影響佢玩沙心情。

Claire： 嘩， 你睇個邊

跟住好快咁跑呀跑呀。跑去邊呀

哦， 原來係跑左落海。沙灘空無一人， 有好有唔好， 唔好就係阿妹可以暢通無阻咁跑落海， 好就係可以好快咁捉返佢返黎。



Claire: 嘻嘻， 好好玩呀

睇下件衫濕剩一成， 就知阿妹幾咁落力玩水。

自此之後， 阿妹成日都話去沙灘， 去游水。唔知幾時我地至真係落水呢。