掃興遊大美督

9 June 13 呢個周日， 爸爸好有興致話要去大美督踩單車， 同埋去釣魚。所以，我地一早就出發。所謂既一早， 其實去到就係食LUNCH時間了。

去到天朗氣清， 睇下個天幾咁清， 好熱呀

拖住兩個細既， 好短既路程變得都好漫長。我地由巴士總站行上去淡水湖既開端。已經成身汗。濕哂。

見咁濕， 不如吹住水塘風黎飲下果汁先。因為飲果汁， 衰妹至可以一口氣飲多D， 咁熱既天氣， 真係甜D都無計， 為左佢飲多啖水嘛。

其實我地只係行到呢個開端吹左十分鐘水塘風就落返去巴士總站到揾野食。 仲要揾著間好貴好貴的。點知食食下飯， 落大雨， 大到無人有。所以， 食完飯， 我地唯有打道回府。可惜返屋企途中， 架車去到粉嶺上水同埋屯門， 雨都無滴仲要曬到暈。呢回真係掃興遊車河之旅。

Claire 越大越識嗲老豆。挨哂落老豆到要爸爸餵， 爸爸仲唔冧到甜哂咩