久違了的笑容

6 June 13 Isaac 學校放假。不過爸爸做野唔得閒， 媽媽下午又要去教功課。所以， 呢日我地無去旅行， 改為晨早去沙灘。可能之前落足幾日雨， 呢日又陰陰地晴晴地， 又係平日。所以， 無乜人。幾好。我地可以好FREE咁跑呀跑呀。

久違了的笑容。好似好耐無見，我諗第時入左小學， 更加少見呢個咁燦爛的笑容了。

  玩沙時， 最專心。

筆下筆下。好努力。

 成個沙灘無人， 我地點跑都得。真係爽。以後去沙灘， 都係平日去了。

咁既天氣， 即刻去沙灘玩， 真係好難約伴。好在Isaac 有個好朋友， 就係佢妹妹。兩個一齊行落水踢水先。

不過Isaac 性格似媽媽， 都幾怕水。嘻嘻， 所以， 佢係企到好遠去踢～～～沙咩？？？ 再踎係側邊等水流上去。

睇真D， 原來Isaac都有踢水架， 條褲係濕架。不過都唔及妹妹咁濕。

Isaac: 媽咪， 好好玩呀， 下次再黎沙灘吖。