學游水

Jun 14  呢年， 我地終於可以學游水LU。終於等到Claire 三歲， 又等到朋友仔落實一齊遊。不過第一堂， 兩兄妹都遠離教練叔叔。

Claire: 哥哥，我地跟住做乜好呀？

事實上， 第一堂， Claire 係唔怕水既。反而Isaac 不停話好驚， 死都要遠離教練， 搞到Claire 都開始驚。

不過第二堂， 當媽媽呢埋偷睇時， 發現 Isaac 好似進步左喎， 至少肯做少少動作囉。反而Claire 依然停留係池邊唔郁。（去片）

唔知係咪呢埋左既關係， 搞到Claire 好似乜都無做。所以， 第三堂， 媽媽又要捱乾曬既辛苦， 睇住佢地學游水。望住Isaac 肯作新嘗試， 媽媽真係心花怒放了。（去片）

之後， 我地約左弟兄兼鄰居樂樂去玩水。兩兄妹依然夾實個水泡唔肯離開。尤其係Claire . 

Isaac: 唏， 睇下我腳板幾大～～～

 為左令兩兄妹克服呢個怕水既心態， 自第一堂後， 媽媽好狠心咁， 次次沖涼都花曬淋眼射臉， 令到兩兄妹仇視。唉。之後， Isaac 已經習慣左， 媽媽見佢比水流到眼睛， 都無再好似以前咁鬼渣咁聲大叫， 媽媽就停左再用花曬淋眼。而同時， 每一堂都見到 Isaac 既進步， 實在係叫媽媽安慰。至少由第一堂唔肯BUI 水， 到而家已經肯BUI水， 第四堂， 仲成個人係水底浮游左幾步(當然有叔叔扶住）。不過呢個相信係一個好開始黎。希望Isaac 繼續加油。

 至於Claire ， 最近一周， 忽然沖涼時自己BUI 水， 開心死媽媽。跟住第四堂， 肯做BUI 水了。連叔叔都大讚妹妹進步左好多。希望妹妹都可以克服到同樣問題， 係呢個SUMMER 可以學識游水啦。

Claire: 我而家咪游緊囉～～～
媽媽： 暈～～～～