輕鬆一下的假期起始

暑假一開始， 我地好HEA咁過左一個星期， 因為好多SUMMER COURSE仲未開始。不過HEA還HEA， 我地HEA得好充實架。好似去游水啦， 跳彈床啦。仲有就係運動完後既豐富乳酪加生果。創作力高既 Isaac 好快咁砌到杯生果杯自誤。

放假一開始， 媽媽又係買定堆水彩工具比Isaac畫畫。個晚， Isaac 急不及待拎出黎畫。

翌日瞓醒， 又係畫。不過呢朝妹妹起左身， 可以同佢一齊畫了。Isaac 就成個大哥哥咁教妹妹點溝色。Claire 都好認真去聽喎。

兩兄妹不停咁畫， 媽媽開始覺得工具未夠， 似乎要買多幾支畫筆同埋大少少既調色盤至得。

Isaac 唔係炒餸， 而係做緊畫班教既HAPPY DOT呀。

Claire: 點解我未學過HAPPY DOT既～～～～

 Claire 雖然只係上左一堂試堂， 不過佢呢次又畫得唔差喎。真係好認真咁去畫呢幅抽象畫。

HAPPY DOT完， Isaac 好認真咁加返條魚上去， 話係海底喎。不過跟住水蛇同另一條魚就求其用同色畫， 所以唔顯眼。所以媽媽話要加返個調色盤， 因為去到尾聲， 大家都唔想再係咁污糟既色盤加色溝色了。希望下次仲有機會係屋企HEA時， 兩兄妹可以更用心畫啦。