cooking lab

27 July 14 呢日我地約左哥哥既BB班同學出黎玩， 主題係COOKING LAB。不過未COOKING 之前， 作為小朋友既Claire, 梗係玩下先。先玩投籃。

Claire: 嘻， 好野， 有得掟波波。

Claire: 媽咪， 好好玩呀， 哈哈哈～～～

Claire: 媽咪，好好玩呀， 一齊玩啦。

玩完就埋位整野食， 第一味係蚊姨姨主持既飯糰。小朋友動手碌旦殼。

Claire: 等我笑黎影返張先。

各大小朋友碌出黎既雞旦， 加少少醬， 變左受歡迎既旦黃醬沙律了。

準備就緒， 手套都戴埋。

Claire: 好好味呀～～～～

個衰妹一食左舊飯糰， 就閃左去玩。有個好錫佢既哥哥主動推車。真係幸福。

Claire: 等我爬出黎先～～

當玩玩下又見到大人整緊吐司， Claire 又湊埋一份。仲好有心機撕碎哂芝士鋪面。

好滋味咁慢慢食自己泡製既吐司。

Claire: 做乜偷影都唔出聲姐， 我擺個靚POSE你影啦。

其實呢日我地順便同埋CIRCLES 切旦糕。未以為Claire 咁厲害， 三歲高度可以同五歲一樣， 其實佢係企左係張凳到架。

影完合照食旦糕， 不過食得半舊就塞比爸爸。難得爸爸唔迫佢食哂至奇喎。

之後， 最開心既環節， 就係自畫。個個好似自虐咁，搏命拎支筆出黎畫。

唔駛兩秒， 畫到雙手白哂。

仲上埋臉仔TIM。唔知以為佢搽唇膏劃出界呀。

Claire: 我開唔到支筆呀， 我都想好似姐姐咁畫臉呀～～

乜都玩一餐既Claire, 見大家畫得興起， 無人同佢爭玩具， 索性揹住呢舊波波池既玩具四圍走。

Claire: 似唔似水泡呀？

其實唔覺唔覺， Claire 個日係好快手咁用黃筆自劃鼻頭架， 哈哈哈。筆頭準到無人有， 真係劃到個鼻一撻色。因為佢想學人地姐姐畫老鼠。不過又唔識點畫， 所以就只係幫自己點鼻。

Claire: 仲好講， 你都唔幫我畫既～～～

Claire: 唉， 趁其它人忙住畫野， 我獨霸個TENT 攤下先。

攤飽後， 馬蹓精又出動。跳呀～～

難得兩兄妹閒時扮動物， 連係呢度都照扮， 勁。小朋友玩起上黎， 果然乜都唔理。