跳彈床多角度

7 July 14  好耐無跳過彈床體操班既 Isaac, 呢個月卒之可以再返去跳了。睇得出 Isaac 由衷發出既開心。全場四萬咁口。果然有D 野真係要肉痛 D 唔比佢玩， 等佢知道可以再玩時， 要認真， 同埋要聽話至可以玩彈床。

呢次第一回做唔係跳床， 而係爬爬， 不過係條單槓上邊爬（去片先）

之後， 就要用腳尖行單槓。準備行時， Isaac 既驚且喜(因為可以再玩體操囉）

又去片睇下點單腳行單槓。

一輪熱身後， 正式進入 Isaac 最愛 ﹣﹣﹣ 跳彈床。無玩好耐， 今次再玩， 令媽媽眼前一亮。原來認真跳床既 Isaac ， 可以一躍而上， 跳到咁高(影到好似企係床墊上， 其實係由彈床跳到上去床墊上邊）

 更令媽媽眼前一亮既係， 認真做擘腿既 Isaac， 真係做得好靚好直。好在媽媽帶備靚相機， 不停捕捉呢刻， 不枉揹住咁重既相機出去了。

睇下， 長期KEEP住四萬咁口既 Isaac， 可想言之佢真係好愛呢堂。

Isaac: 好好玩呀媽咪。

 除左擘腿， 佢地跳彈床仲要學坐低起身， 其實都幾講手腦協調。個腦要控制手腳得好好。莫講話細路， 大人企上網床跳都未必控制得好啦。所以媽媽覺得 Isaac 好叻架，如果佢真係聽話， 會繼續比佢學， 體操始終對腦袋有益。

 坐低姿勢。

其實要由企 ﹣ 坐 ﹣ 企。不停咁彈， 仲要手都一齊郁， 真係少D用腦諗都唔得。

彈床過後， 又到打筋斗時間。呢張影得好正。影到 Isaac 對腳係伸直既。媽媽好滿意呀。因為之前不停提左 Isaac ， 想繼續學， 就要每個動作做得認真。因為媽媽深信 Isaac 能力係應付到， 只係佢成日掛住玩唔認真。搞到之前成日跳兩跳比媽媽罰停無得玩。 希望 Isaac 你能繼續努力， 揾到自己真正既興趣啦。打筋斗片段。