再見 N 班

30 Jun 14 呢日係Claire 返N班最後一日。不過天真既Claire, 好似唔知乜野叫LAST DAY。到而家七月中， 都未話掛住班主任。有時仲傻更更一起身問媽咪， 駛唔駛返學TIM。媽媽見哥哥七月都唔駛點返學， 索性幫Claire 六月底退學。兩兄妹一齊出去玩好過。

咁快就一年， 不如睇下呢一年， 第一日返N 班既Claire 同 LAST DAY 既Claire 有乜分別啦？ 最明顯係頭髮長左好多啦。同埋睇返張相， 原來呢一年， Claire 係有高左架， 哇卡卡。第一日返學， 條褲過膝。而家已經上到膝頭以上。希望呢個SUMMER 繼續高， 返K1時， 可以追返高度啦。

一唔駛返學， 趁哥哥要返學， 就一個人百厭。細個BB時已經係馬蹓既Claire ， 原來大左性格無變， 只係返學令佢無時間爬。而家一唔駛返學， 居然連大衣櫃都想爬上去。唔通佢以為自己真係隻馬蹓， 定係蜘蛛俠呀？

女呀女， 你幾時可以變返做斯文既女仔， 鐘意公主個D 呢可？