兩兄妹體操片段

14 Jul 14 又到周一既日子， 係兩兄妹最鐘意既體操彈床班上堂既大日子黎架。因為咁岩有朋友仔一齊上， 媽媽幫朋友仔錄片時， 順便幫兩兄妹錄埋。平時邊有咁好心機次次錄吖。

先睇大大隻既 Isaac 先， 熱身有奸到唔奸既單腳跳。點解可以跳兩下換腳既呢可？

跟住再黎體操之一， 又係 Isaac 咁多次都永不認真既木馬環節，今次係要做抱膝動作跳木馬。講極都係要趴落地又或者瞓落地。媽媽最後忍唔住岩岩個堂走埋去好SERIOUS咁講， 再唔係雙腳落地， 以後無得再JOIN 呢班。吖， 卒之真係好認真咁雙腳跳落地。所以話， Isaac 其實好似好多老師話咁， 係一個聰明人， 不過聰明反被聰明誤，一唔認真， 乜都係假。

最後一條片， 係 Isaac 手拖手同學仔一齊碌過對面。吖，又碌得幾直喎， 兩個都無碌歪， 勁。

跟住又到妹妹環節， Claire 身型細粒， 估都估到佢腳仔無力， 不過見住Claire 每一個動作都好認真咁努力去做， 真係令媽媽好安慰好感動。

跟住到木馬，落地係雙腳企直的。唔似Isaac ， 玩玩玩咁趴落地。真係兩兄妹各有不同作風。