FREE PLAY 冒險樂園 （愉景新城）

4 July 14 呢日我地接完哥哥放學， 即刻出左荃灣愉景新城， 因為我地要去玩冒險樂園呀。不過路經地下個層， 比兩兄妹見到好吸引既機動擺設， 又引左兩兄妹擾攘一輪。

Claire: 哥哥話要玩架。你唔好鬧我呀。我用對眼射住你架～～～

 Claire 而家乜都跟哂哥哥， 至慘係成日扮超人。真係無眼睇。希望再大D， Claire 唔會再跟住哥哥睇超人啦。

Claire: 除左超人， 我仲鍾意得意公仔架， 好似呢隻坐住既咁～～～

Claire: 不過我最鍾意都係同哥哥爭野， 好似呢架警車咁。坐得我幾咁英～～～

Claire: 咦～～～係媽媽迫我坐呢架女仔車架咋， 佢話後邊兩隻公仔得意喎～～～

 擾攘一輪， 我地最後終於入左冒險樂園， 開始我地免費任玩既一日了。第 N 次黎既Claire， 係無乜人之下， 終於可以又試下實力， 坐呢個氹氹轉了。每次坐親， 媽媽都係側邊心驚膽跳， 唔知幾時佢會飛左出黎。

Claire: 我出盡力渣車架啦， 睇我咬牙切齒就知啦。
媽媽： 不過你都無坐落去， 你離座既， 我見到你就驚了。

Claire: 嗱， 我一坐落去， 就側埋一邊會跌架～～～

 大笑姑婆Claire， 最後都係走左去玩滑梯， 仲玩到擘大口無哂儀態TIM。

Claire: 呢條梯咁跣， 睇我咁驚就知啦。好難有儀態架喎。

 擘大口既Claire ， 唔知會唔會可以足夠吞左個波落肚呢？

兩兄妹玩到齊齊扮瞓～～～

咦～～Claire 呢？ 話說當Claire 見到哥哥呢埋比爸爸揾時（要媽咪SEND相比爸爸喎）， Claire 又嘈住要呢埋一份。所以變左呢張相出黎。

雖則係免費， 但媽媽都要顧住兩兄妹體力， 所以， 我地只係放左三個鐘電， 我地就走了。臨走， Claire 同哥哥一齊玩撓撓板TIM。衰妹一直話唔同媽媽玩架。仲好， 媽媽慳返D力， 專心影相好過。