一個月後體操彈床的進步

7 July 14 自從Claire 學體操後， 都有四堂時間了。呢日， 係時候帶埋相機去捕捉下衰妹呢個月(其實得四堂）有乜進步。

一開始熱身， 嘩， 叫媽媽眼前一亮， 彈跳開始有力了。睇下對腳離地有幾高就知。

之後， 第一ROUND係跳彈床， 估唔到四堂後， 對腳除左離網高左外， 仲有係對腳跳起仲直， 而且落地都企得穩。對咁細粒既Claire 黎講， 媽媽覺得佢好大進步了。

Claire: 唉， 跳到我面都WEAR 埋。就知我幾咁用力去跳啦。

 其實話說Claire 上第二堂彈床班時， 媽媽已經留意到Claire 好努力咁一跳一跳， 每跳都用力咁嘗試雙腳開合。跟足老師指示。 雖然Claire 體能不佳， 但係媽媽心目中， Claire 已經係第一了。

呢堂， Claire 仲嘗試起身坐低呢個動作去玩彈床花式。

每一下， 都感覺得出Claire 既用心， 所以， 媽媽會繼續比呢個細細粒妹妹去學彈床體操的。

加上SUMMER關係， 仲有個鄰居樂樂一齊學， 加埋同一組TIM。開心死Claire . 

不過兩男一女會出現乜事？ 大家諗到啦。

Claire: 咁都比你望到我比人撩TIM。唔關我事架～～～

每次彈床， 例必會做倒立。不過今次居然用充氣床黎做， 似乎對Claire 有利喎。可能初學咁做， 會撐得耐D。 （去片睇到撐得耐過第一堂既四秒架）

跟住係行單槓。平時去公園鬼咁騰雞， 估唔到呢堂佢好似好淡定咁行哂。就算老師想嚇佢， 都無阻Claire 順利行完。（去片）

再高難度一點， 要跨過圈的。又得左(去片）。

無怯場， 行得哂， 無跌低。算係叻了。