畫花面貓 @ cooking lab

27 Jul 14 呢年玩開有癮， SUMMER 居然又係同以前BB班同學仔出黎玩。仲要係玩COOKING LAB。第一味係自碌雞旦。

Isaac: 我見到你偷影我～～

Isaac：唔好再影啦～～

 Isaac 似乎好專心睇呢味旦沙律點泡製出黎喎。

Isaac: 拎定個袋先。

Isaac: 好在媽咪有帶飯糰模姐， 我終於成功倒左個三角形飯糰出黎。

Isaac: 包埋紫菜好似街買咁架。

 之後， Isaac 玩玩下居然走黎幫手榨果汁。

Isaac: 哎呀～～～要落手拎野， 我最憎整污糟我隻手呀。

 玩完榨果汁， 又走左去玩。玩到樣都WEAR埋。真係掂。

Isaac: Circles， 你估我係邊個？？

 適逢朋友仔生日， 暄暄媽媽預備左個好MINNIE 既旦糕一齊切。Isaac 好唔客氣即彈左上去影相。

除左妹妹外， 呢度全部都係 Isaac BB班一年既朋友仔黎。真係難能可貴， 只係同窗一年， 仲KEEP到聯系（其實讚緊媽媽本人囉）。

Isaac:係， 我要向我偉大既母親致敬。

Isaac: 搞錯呀， 個個走黎學我， 但無個隻手夠直，得我做岩咋喎。

之後， 忽然有堆畫臉筆係度出現， 於是各大小朋友好瘋狂咁自畫。

Isaac 一野就幫自己畫幾條貓鬚. 

Isaac: 等我畫埋落下巴先。

 畫下畫下， 幾乎露出衫出邊既身體部位， 都比 Isaac 畫過哂。

包括十個指頭既指甲油。油完幾咁興𡚒。

Isaac: 我似唔似怪獸呀？

 畫畫下， 忽然有姨姨叫大家去整唧花曲奇。Isaac 諗左一陣， 終於忍痛洗下手， 唧左兩下， 跟住繼續再畫過。好明顯 Isaac 鐘意畫野多過煮食囉。

Isaac: 你睇， 洗左手後， 甩哂啦。我要油過紅色甲油代替頭先白色至得。

開開心心又一日， 跑下笑下， 呢個SUMMER 既舊生GATHERING 又完左了。希望 Isaac 可能成日都咁開心就好了。