免費任玩全日 @ 愉景新城冒險樂園

4 July 14  Isaac 一完左學校生日會， 媽媽即帶佢出荃灣愉景新城玩。其實一直都無帶佢出愉景玩， 今次帶佢黎， 完全係因為我地抽到冒險樂園任玩一天既奬。咁梗係去玩啦。去玩之前， 醫肚之前， 見到成堆公仔， 兩個小朋友完全忘記左黎做乜， 即刻坐住唔走。

Isaac: 媽咪， 呢架車好似我地去日本玩個架火車咁呀。

Isaac: 入邊好多制， 仲會著燈架。 

叫兩個小朋友影相， 點知Isaac 帶頭扮超人。乜超人會渣車既咩？？

之後， 我地上二樓， 原來好多機動車仔， 不過 Isaac 身型， 好似坐落去已經格格不入咁款。

搞一大輪， 終於去左冒險樂園了。睇下， 有人又黎做特技。

Isaac: 媽咪， 呢個好好玩架～～

 愉景呢度， 都算寬敞， 加上平日， 人唔多。都叫安全。同埋呢度既車仔， 居然有部係可以踩得郁既單車囉。

仲有間間必備既射槍。不過射中個下真係好痛。個衰仔對準阿媽黎射， 跟住媽咪個咀中招。痛得我吖～～

Isaac: 唔射媽咪， 我改目標掟工人姐姐啦。

兩兄妹玩到瞓左。

跟住媽媽興起，同佢地玩呢埋， Isaac 仲叫媽咪即刻SEND比爸爸， 叫佢估下自己呢埋左係邊喎。

大個左既 Isaac， 開始膽大左。見到單杆都爬上去。

今次我地玩左成三個鐘至走。臨走時， Isaac 仲陪妹妹玩撓撓板。仲識得就住妹妹黎玩。認真乖仔。