再訪黃金海岸遊艇會兒童遊戲室

28 Jun 14 呢日媽媽又痴玫瑰姨姨既福份， 帶左兩兄妹去黃金海岸既遊艇會玩。呢次第二次去， 估唔到自從上次一役後， Claire 一去到， 係揾呢頂安全帽。揾到仲一臉滿足樣TIM。

Claire: 呢架車無篷架嘛， 帶返頂安全帽好D。

 而 Isaac 入到去， 乜都可以玩一餐， 拎住個熨斗都咁開心。唔知佢而家諗住熨邊個， 諗到個樣咁抵死呢？

Isaac: 等我去嚇下洛洛先～～～

 呢次無乜小朋友黎， 得我地兩兄妹同埋另外兩個FAMILY。人唔多， 反而好似舒服D。不過蝦碌鏡頭就笑爆媽媽個肚。話說各大朋友仔已經由呢個隆捐左出黎。被困既， 仲有細細粒Claire， Claire 諗盡辦法都唔知點捐出黎又唔會趴落地。最後， 係Claire 至會講得出既： 我出唔到呀， 我肥嘟嘟呀。所以咪出唔到囉～～～  肥嘟嘟都可以形容你？？ 咪笑死媽媽了。

救左Claire 出黎後， 朋友少少， 大家各自玩。

Isaac 無啦啦玩左上“床”， 佢話係碌架床喎。嚇死媽媽。即鬧佢落返黎。一陣整爛左層板， 真係流血都似。

Claire: 唉， 我都唔明點解哥哥咁曳既～～

同行， 有兩兄弟， 個細佬細Claire 足一年。不過身形好似不相佰仲咁。

Claire: BB， 等姐姐抱下你啦。

BB： 你咪亂黎呀。我識柔道架， 信唔信我的起你隻手撻你落地吖喇？

Isaac: 邊個蝦我妹妹， 我唏～～～我超人黎架， 會打扁你架～～

百厭妹玩完BB， 而家又學哥哥玩爬野， 激死。仲要一臉得烕。

Claire: 都係跑步好玩D。我唏， 衝呀～～～

呢日， 媽媽比佢地放左成四個鐘頭電， 真係厲害， 可以不停咁跑四個鐘， 之後仲肯聽聽話話返屋企沖涼至瞓覺喎（因為媽媽事前講明唔沖涼瞓， 下次唔會再黎嘛）。