K2結業禮

15 July 14 期待已久既結業禮終於到了。Isaac 成日問幾時到升旗結業禮日；媽媽則好期盼呢日到臨。因為之後正式SUMMER HOLIDAY 了。

作為學校鼓隊， Isaac 當然唔少得指定服飾。好在爸爸上前同佢影張單人照咋， 因為一開場， 就好難影單人照了。

 鼓隊打頭陣， 作為序幕開始。難為佢地係台前企足十幾廿分鐘， 為就係要等所有觀眾入座， 加埋開始既序幕。辛苦哂 Isaac 了。

打起鼓來， 一臉認真。

Isaac 由之前好唔鐘意温書， 到呢個學期肯温書， 有時仲想温耐D。媽媽對佢呢個改變好欣慰。尤其係當媽媽見証住 Isaac 可以上台拎全年表現優異奬時， 更覺得開心。希望 Isaac keep 住咁好啦。

結業禮中場仲播返佢地既相片。差D唔認得 Isaac 之前頭髮咁長既TIM。成班圍住 Isaac 睇佢買郵票喎。

明明打鼓好認真， 點不知一出到黎， 又回復原形。

兩個小妹妹比 Isaac 嚇到彈開哂。真好笑。

成班一齊古靈精怪， 細路仔黎講， 可能呢個係佢地長大後既兒時回憶黎。

Isaac: 睇下， 我而家係最大隻。廿年後我可能都係最大隻個位黎架～～～

好， SUMMER 開始。唔知過左呢個SUMMER， Isaac 會最懷念係乜呢？