19 July 16 呢日晨早就趕出去ELEMENTS，因為爸爸話要比佢兩兄妹學溜冰喎。其實兩兄妹都識溜冰架，媽媽唔明點解仲要比錢去學（仲要千幾蚊一個喎）。不過爸爸話，暑假好得閒（佢本人以為），媽媽又好得閒，所以照報名去溜冰啦⋯⋯咁，唯有去啦。
我地得登早去，因為上堂前後兩小時，合共四小時，係可以免費進場溜冰既。反正兩兄妹都識玩，就比佢地入去玩下先。點知，原來佢兩個自己係個場到，唔係好溜架咋。
 |
Claire: 哥哥，我地做乜好呀？
Isaac: 唔知呀⋯⋯等夠鐘上堂囉。 |
好不容易，終於等到上堂了。嘩⋯⋯原來係溜冰BB班咋。真係好後悔囉。點解話BB班，就睇下Claire 個班（按年齡分班）就知。一上堂，齊齊坐凳仔享受導師為佢地轉圈。
開頭都係坐住凳比佢地感受下有幾跣。好在，只係轉左兩個圈就停。之後，係要同學仔起身扶凳轉圈。呢下對Claire 黎講，其實都係一點挑戰都無。（
點此）
幸好，導師應該一眼望到Claire 係本身識溜冰。所以，轉左一個圈之後，就比Claire 放開張凳，自己溜住轉圈。（
點此）
 |
| Claire: 乜佢地行得咁慢架⋯⋯我就黎撞佢地架喎。 |
 |
| Claire: 嘩⋯⋯就撞啦⋯⋯你地行快少少啦。 |
唔好以為只有Claire 呢班年紀係咁初級。原來，Isaac 個批年紀，一樣由零開始。呢堂真係有點嘥嘥地。睇下Isaac 一開始，係點感受溜冰先（
按此）。
可能Isaac 個班年紀比較大少少，大家都好快掌握到，所以，好快就開始試曲膝停（
按此）。唔知Isaac 平時識唔識呢招既呢！
話咁快，又學第三招，就係提膝單腳停（
按此），睇黎，哥哥呢班六七歲小朋友，學既野好似多D，值得參加囉。
上堂時間，其實只有三十分鐘。真係眨下眼就過。臨落堂，Claire 呢班先黎試踢腳溜冰法（
點此）。媽媽真係替佢揼心口，悶足一堂TIM。希望下堂會好一點吧。
上完堂，兩兄妹都無心機再溜落去。要求離開。咁唯有去我地好耐無黎過既公園啦。可能玩公園，佢兩個仲開心。
由細玩到大，呢個超高又感覺好危既洞，一點都難唔到Claire。
好耐無黎，應該都近一年，呢次大左既Claire，膽大大，居然爬呢條斜棍。好厲害呀。
 |
| Claire: 媽咪，唔好影啦，你上黎同我玩呢個SLIDE吖。 |
次次黎呢度，兩兄妹都好鐘情呢個人力氹氹轉。
睇佢兩個，笑到幾咁開心，媽媽睇見都覺得開心。
呢個人，由細到大，都好鐘意自轉氹氹轉。真係唔明，乜推住個氹氹轉，會特別開心既咩？！
