Claire 挑戰樹屋＠樹屋田莊

15 July 16 一行廿人，BOOK左樹屋玩一日，一共三個項目。第一樣係橫水渡。玩完曬完，終於可以係樹蔭下玩下樹屋（不過依然係好熱）。未開始，個個小朋友都仲未識驚，大家都好期待喔。

終於輪到Claire 上樹屋了⋯⋯可惜，人細腳短碰上職員離開了最濶既個格位置（原來有職員駐守個格，因為太濶無野扶），令到Claire 剔住左係個濶位到唔上唔落咁，媽媽係下邊睇住，真係凳Claire 肉緊呀。（按此）

腳仔短短，雖則最後成功上樹屋，媽媽都幾驚佢對腳唔夠長，伸唔到出黎夾個支柱架。

一向自理好叻既Claire，上到去自己帶巨手套（SIR棍時保護自己對手）。睇佢個樣，應該仲未識驚。

Claire: 其實我好驚架⋯⋯見唔見到我驚到有眼水。

好在，心驚膽跳（媽媽係地下望住既感覺）之下，Claire 總算成功落地（點此）。

多謝Casey 媽係高處影落去。不過呢個鏡頭，都咪話唔凳佢（Claire)驚。因為工作人員已經離開佢對腳，真係靠Claire 自己抓實了。 落去了，呢個角度，睇到Claire 回眸個下，眼神仲係好驚架（點此）。

Claire: 其實都唔係好驚咋嘛。點解哥哥頭先咁驚既呢？！

 玩完知道唔係咁難，Claire 又再黎多次。今次爬樹叻左了，無咁驚（點此）。SIR落黎也快好多（點此）。其實媽媽也想玩第二次呀。不過，時間有限，大家玩哂之後，又話夠鐘要開餐了。

Claire: 好好玩呀⋯⋯我想再玩多幾次！

 越玩越唔驚的Claire ，繼續勇字當頭。果然叻女。