印第安人＠樹屋田莊

15 July 16 玩完兩節活動，一大班人齊齊開餐。午餐係額外比錢樹屋幫手訂既，無記錯係三十元一個飯⋯⋯嘩，原來鬼咁大份。一打開，個個都嘩然呆哂。唯有齊齊做大嘥鬼。

食飽飽，即刻變身做怪獸。因為下一個環節係印第安人。無計，因為成班細路年紀都唔大，要就班細既，所以，第三項，只能選最安全既印第安環節。

有個人仔好有自信呀，全程自繪面貌。

哥哥見到，有樣學樣，又要自己畫。

印第安人環節係另一邊草地仔，所以，成排人仔就排隊一齊行過去。

Claire: 喂，㪫㪫，你唔好行咁快啦，我甩左手呀⋯⋯

去到草地，先黎首熱身印第安人歌（點此）。

接著，再轉地方，玩下大熱身先。明明平平無奇既歌，不過加上動作，呢班細路開心到咁⋯⋯（點此）

烈日當空，呢兩兄妹仲有閒情畫花面貓，再曬住玩，媽媽真係服左佢地。

近鏡睇，原來哥哥已經呆滯左。哈哈哈。

Claire: 但我仲係咁開心喎⋯⋯

直到吹箭環節，大家先再去另一個高峰笑騎騎地過活。

 睇返Isaac 吹箭，真係好蝦碌（點此）。媽媽開頭仲以為牛高馬大既佢，一定吹得好有力TIM。

至於妹妹，一如所料，唔夠氣吹出。支箭係U型咁落地。都幾好笑。（點此）

玩完三樣，咁又一天了。大家就執包伏坐車歸家去，好開心好充實也好熱的一天。希望下次再有機會黎玩。不過價錢真係⋯⋯三個人，已經近一千了（連的士來回費）。好貴喔⋯⋯