兩母子玩樹屋＠樹屋田莊

15 July 16 玩完橫水渡, 第二樣既挑戰，就係爬樹屋。未去之前，睇相已經估到要玩"消防棍"，媽媽已經心諗⋯⋯Isaac 點算呢？有上無落？Casey 媽話唔駛驚，佢本人都無同兩位少爺講樹屋詳情，也估Casey 唔肯落⋯⋯所以，媽媽一直無同Isaac 講，爬完上去要自己一個SIR返落黎架⋯⋯一班大人細路企定定好專心咁⋯⋯睇下示範員點玩先。

Isaac: 有乜好睇姐⋯⋯到我未呀⋯⋯

ANYWAY，睇下Isaac 爬上有幾咁快先。（按此）

Isaac: 好易姐⋯⋯爬高爬低我最叻！

 正所謂上山容易落山難，原來上樹屋也一樣。有個人仔上到去，磨左好耐都未落到黎呀。唔知點解，媽媽覺得好似人地危坐做傻事，比人勸解咁既樣。有點好笑。

Isaac: 早知唔玩啦⋯⋯有無其它路落去呀⋯⋯

幾經擾嚷，Isaac 終於肯踏出第一步落黎了（點此）。

成個樣鬆容哂。原來做過一次，就發覺唔係想像中咁難既⋯⋯

因為做到，Isaac 轉個頭，又走左上去再SIR過，仲要好快手二話不說咁SIR返落黎（點此）。原來，玩樹屋，真係可以玩上癮。可惜到寫BLOG時，Isaac 對公園既"消防棍"，依然好有抗拒，好驚囉。真係無佢符。

其實媽媽一直都好想黎樹屋玩下呢個玩意。今日終於等到了。等齊各小朋友玩過後，輪到媽媽上場了。辛苦哂Claire 幫忙影相⋯⋯而Isaac 呢？老早走左去後面公園自己玩LU。男孩子果然⋯⋯

媽媽SIR下來了. 

媽媽： 原來無想像中咁高架⋯⋯早知SIR快D啦。