書局打書釘

16 July 16 人仔細細既Claire, 腦袋裡都唔知裝左D乜既。成日話發夢，夢見班主任無著衫。呢日，仲無啦啦畫幅咁既畫。真係嚇親。佢話係班主任黎架喎。究竟呢個衰妹係幾多歲架。

暑假無野做，出面又熱，見書局減價，就帶佢兩個入書局打下書釘。一入到去，各自沈醉於書本當中。本黎呢個學期，兩兄妹係學校係各自得到書券一張既，不過媽媽見過幾日又去書展，所以，呢日無用書卷換書。

打書釘打到咁，本黎係好安慰既。

但路過有對中年家長不滿，話唔應該打書釘架喎（唔係針對我地兩兄妹，而係好多人企係度揭下揭下），揭到D書殘哂⋯⋯其實旁邊都好多小朋友一樣席地而坐⋯⋯而大人呢，咪一樣成堆圍住旅遊書系列不停打書釘。書局難道不可以打書釘麼？咁台灣誠品又怎樣呢？下次打書釘，莫非只有圖書館而已！