橫水渡＠樹屋田莊

15 July 16 即興約左 Isaac 幼稚園同學仔，一齊去樹屋田莊玩一天。失魂媽媽忘了原來呢日係Claire 要考普通話試⋯⋯硬著頭皮同老師要求對調最早時間，當然換黎老師不滿啦⋯⋯ANYWAY，最後，媽媽同Claire 遲去。而Isaac 就由幼稚園同學仔家長陪同下，一齊前往樹屋玩。媽媽雖不在身邊，但Isaac 依然好開心，同Casey 唱埋D小學雞既核突歌仔。

一考完試，就飛的士去到大埔樹屋⋯⋯點知的士司機落錯位，天時暑熱，媽媽同Claire 係公路邊行左一陣，左問右問，先揾到樹屋既方向。幸好，我地去到，無miss 到任何既玩意姐。

即興BOOK左呢日樹屋，已經要選定三項玩意。其中一項，我地選左橫水渡，Isaac 做第一個勇於嘗試既人，勇氣可嘉。估佢唔到會行先喎。（按此）

Isaac:  咁多人望住，我梗係要大膽D先得⋯⋯

原來，樹屋既三項玩意，係原定每人一次⋯⋯幸好，我地自組人唔多，好快就玩完哂⋯⋯接著，每個小朋友可以再黎多ROUND。第二次，Isaac 就同Casey 一組。睇佢笑到咁開心，媽媽估佢應該真係覺得堅好玩啦。含蓄既Isaac，有幾何會笑到四萬咁口。

Isaac: 好好坃呀⋯⋯媽咪，不如你唔好玩，你個QUOTA比埋我玩啦。

見哥哥玩得咁開心，又咁多同學仔，Claire 梗係照去啦。睇佢上木笩時，動作同表情⋯⋯（點此）

唔知係咪心底裡都怯怯地⋯⋯但又唔敢講呢？

第二ROUND，同棽棽同學坐。

Claire: 我唔係驚呀⋯⋯我係曬到笑唔出咋。

棽棽： 係咩？但我笑得出喎。
Claire: 我而家都有笑呀！

 天氣好熱，大家都避到去蔭涼位等待再上木笩。不過幾熱都好，都無損呢班人仔玩樂既興致。