努力練繩。花式跳繩－側交叉開

13 July 16 雖然暑假未正式開始，不過每逢七月，都係返下放下（假）既日子，所以，媽媽呢幾年幼稚園生活，都當佢地七月放假了。呢朝返學綵排畢業禮後，就趕去跳繩暑期班。長大左一年既Claire，跳繩比去年暑假靈活左好多（按此）。媽媽相信，作為Claire本人，佢應該都好開心好有成功感。

為左令呢位小妹妹可以快點長高，體齊其它同齡小朋友，媽媽比左份暑期功課佢：每日跳五十下。

Claire: 好熱呀⋯⋯點解要跳咁多下呀⋯⋯好熱呀⋯⋯

Claire: 幾時先跳完呀⋯⋯

 跳到成身汗既小妹妹，係咪好可愛呢？

Claire: 媽咪： 我跳左幾多下呀？

Claire: 點解咁耐仲未跳完架⋯⋯腳軟啦⋯⋯

 開頭睇住Claire 跳個五十下，真係好漫長。跳到佢發哂忟憎⋯⋯不過隨著時間過去，五十下已經濕濕碎。而家寫BLOG的日子裡，Claire 已經係跳二百下了。果然成功需苦幹。唔知十年八年後，Claire 會唔會跳到變成高佻身型呢？

另一方面，Isaac 也落去跳架。不過Isaac 就唔係跳數目，而係練花式。每練到一個花式，Isaac 都一臉滿足的⋯⋯

彈跳力十足的Isaac, 係度練緊側交叉開（按此）。不過動作快到媽媽眼都花，索性黎一個慢鏡先⋯⋯（按此），咁就睇得清楚D動作點側交叉開了。

好快速咁練完繩，到兩兄妹最期待既時刻－－板車出動。

Claire: 我要快過哥哥⋯⋯

望住佢兩個，有點似街童的感覺。哈哈哈。相信附近街坊商店，都認得呢兩兄妹，成日落去搞搞震，FING黎FING去仲要衝黎衝去。不過，咁既童年，相信是愉快的。希望佢兩個長大後，會記得呢種日子。